HEBRU 1:4 - Cho Bible Common Language 2016

⁴ Ahtapa cu khanchang gui ah küikyang pi khai ah tüi m’hnüt ne, aming cun phi küikyang pi khai ah Khanpughi naw pek ci.

HEBRU 1:4 Referans Kwoze

EPHESIAN 1:21

Bawi Khrit naw cun ah kho ah khankho uk ci gui, huham mah gui, hlüngtai ci gui, la bawi gui cu uk gui ci. Ani ah ming cu tuhbäi la lawk khai ah khin ung huham ah ci gui phung ah küikyang pi ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

HEBRU 1:9

Nang naw akcang cu m’hni ne, cheishoh cicu na thüi nak ci nei. Cun ah kyasei Khanpughi, na Khanpughi naw, nang cu ning ghü ne, Na paw gui ah tah küikyang pi khai ah, ning m’tamkhah ne, yeikyai nak cu ning pek ci”, cik ci.

HEBRU 12:17

Nami hmat ah mäih ah, ani cu a ngawi ah apa ah m’shumphyuk nak cu ng’ya ba hlük ci. Cun ung phi kä gah ba hlawt ci, a i ah kiasei ci ung, ani naw chei khai ah abi pyii, a pyan nak ba vai ah lam cu, ang phli tui lut law sei shui ne phi kä hmu hlawt ci nei.