HEBRU 1:2 - Cho Bible Common Language 2016

² Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

HEBRU 1:2 Referans Kwoze

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

JOHAN 1:3

Khanpughi naw Thu awn ang tüi avan tüisho ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

1 PETER 1:20

Shin ah khomdek kä ang tüi pha ge ung ani cu Khanpughi naw ghü ne, shin ah ak hnu ah kho hnüüp ung, nangmi ah hmawk ah ang dang sak ah kyak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

HEBRU 11:3

Kä hmuh hning ungka naw hmuh hning ah dang lawk khai ah Khanpughi naw ang thuküi awn Khopuui atüisho cu, yum nak awn mi hmat ah kyak ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

HEBRU 5:8

Ani cu Khanpughi ah Htapa ah a kyak tupang ung phi, Khanpughi ah thu a läk thei vai ah yaica ne theithang ci.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

HEBRU 7:3

Melchizedek ah anu apa, apu api gui la, ang tüi nak, asih nak ah mawng gui cu, ca ung ami guk kä om ci. Ani cu Khanpughi ah Htapa ah mäih ah kya ne, angtäi sei taigüpa ah kyak ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

HEBRU 1:5

Khanpughi naw a u khanchang am phi, “Nang cu ka ning Htapa nei; tuhngawi kei cu nang ah Pa ah ka kya lawk ci,” cine kä pyein man ci. A i khanchang ah mawng ung phi Khanpughi naw, “Kei cu ani ah Pa ah ka kyak khai, ani cu kei ah Htapa ah kyak khai,” ci ne kä pyein man ci.

EPHESIAN 3:9

Khanpughi ah thuuk ciah ng’bü nak cu, a i cha dang lawk khai ci cu, chang gui naw ami hmuhmat vai ah m’thein m’kaan nak vai ah a khin ni cu kei am na pek ci nei. Ang tüi avan tüipian ciah Khanpughi naw cau pui pui ung cun ah ak thuuk kau gui cu, a thuh te ah kyak ci.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

THULÄÄN NAK 4:30

Nangmi khüikha nak ung nami gawk law ung, cun gui avan nami khan ah a gawk law ung, ak hnu ah nangmi cu Bawipa ung ng’hlat law ba ne, nami läk khai nei.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

MIKHAH 4:1

Cun ah hnüüp a gawk law ung Taigü im ah khomhtung cu avan ah hlüng pikbäih khai, m’htung avan ah khan ah tänghän ah kyak khai. Changpakhui akda law ne ng’bum khai gui,

JUDE 1:18

Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

JOHAN 16:15

Kapa ung om ci phung cu kei ung om ci; cun ah kya sei, Mumcha Theing naw kei ungka a gah ah ng’thu cu ning m’thein gui khai, ka ciah kyak ci.

MAKUH 12:6

Kho mah ung a hta pami tumat om ci. Cun ah kya sei, ‘Ka hta läi cu kyih aa khai gui’ cine ak hnu ah a hta pami cu tüi ci.

MAKUH 1:1

Shin cu Khanpughi ah Htapa, Bawipa Jesuh Khrit ah a mawng Thu Ni ah kyak ci.

DANIEL 10:14

Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

ATÜNNAK 49:1

Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

JOHAN 3:25

Johan ah khahpüi amshah gui cu, Jew chang gui awn tuihnim nak ah mawng pyein ne ng’cuhcan ci gui.

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

JEREMIAH 48:47

Cun ung phi lawk khai ah hnüüp gui ung Bawipa naw Moab cu bühmang ba sak khai nei. Shin gui avan cu Moab ah khan ah kya lawk khai gui Bawipa naw a pyen ah kyak ci.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

MAKUH 12:7

Cun ung phi ngami naw, “Shin cu kho mah ah pakhui m’düng ciah kyak ci, law vä, ani cu mi ngawn khai nei, cun ung vah ani ah khomdek mikmi naw mi khäm khai” cine ng’ge u netah;

JOHAN 1:10

Thu cu khomdek khan ah om pyi ci. Khanpughi naw ani awn khomdek phi tüisho pyi ci.

JOHAN 5:26

Apa cu ghin nak ah a phung ah a kyak ah mäih ah A Htapa cun phi, ghin nak ah a phung ah a kyak vai ah ap pyi ci nei.

JOHAN 5:27

Ahtapa cu chang ah Htapa ah kyasei m’khoichaa nak nüng vai phi ap pyi ci nei.

JOHAN 9:29

Khanpughi naw, Moses am thu am thein cu kami hmat ci, cun ung phi shin ah chang a hawi kaa a law ah kä kami hmat ci” cik ci gui.

1 KORIN 2:7

Kei naw ka ng’shäu ah Khanpughi ah ng’cim ciah cüivai nak cu, hnicim chang ah maa ah ng’yih ciah cüivai nak ah kyak ci. Cun cu khodek kä a tüisho pha ung mikmi ah bämang nak vai ah a güi pyi ah kyak ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 7:28

Moses ah thukhän naw kä kümbe ciah chang gui cu, Taigü ah m’düih gui ci; cun ung phi thukhän a om kawn ah, angtäi sei kümbe ciah A Htapa cu Taigü Tung ah phyun ne m’düih ci.

JOHAN 13:32

Khanpughi naw abämang nak cu chang ah Htapa ung ang dang sak kawn ah chang ah Htapa ah bämang nak phi amät naw dang sak khai, atuhbäi acun cu bi law ge khai.