HEBRU 1:14 - Cho Bible Common Language 2016

¹⁴ Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

HEBRU 1:14 Referans Kwoze

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

LUKA 2:9

Cun sang ung Khanpughi ah khankho chang dang law ne, Khanpughi ah bämang nak cu khang law sei htoshäm gui cu ang htei ah kyik ci gui.

LUKA 2:13

Cun vai-am chünla ciah khankho gakap gui cu khankho chang veing ne ng’dang law u netah;

SAM 104:4

Nang naw khokhi cu na ng’shä tüih ah mang ne, lailäp khodei cu na changshäm nak ci.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

PHILIPPIAN 2:25

Kei awn a täng ah kani bik ci, kei awn a täng ah ng’düi ne ng’khüi ci, kei nam hteihtang khai ah nami tüih law ah, mi nau Epaphroditus cun phi nang mi ah ka tüih law vai ah hlü ciah ka ngai ci nei.

2 KORIN 9:12

Nangmi naw shin ah bi awn pyamthaam ciah Khanpughi ah chang gui nami m’htei gui bäng ah kä kyak ciah, Khanpughi m’hlüngtai nak ah k’aw phi nami thang sak ci nei.

ROMAN 15:27

Cun ah ami k’bäi cu, chang ah bi sak gui ah kä kyak ci, ami mät ah ngaih ah, ami mät ah m’gein nak awn ami bi ah kyak ci, pyamthaam ci m’gein tu vai cu ngami ah bi ah kyak ci. Jew chang gui naw, khui hei chang gui am, ami mümcha hrilham cu ami teipai tu gui ah kya sei, khui hei chang gui naw phi, Jew chang gui am ami pumsa hrilham cu, ami teipai gui vai ah kyak ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ROMAN 13:6

Shin ah a mawng ung nang mi cu kphlam phi nami m’cu ci. A i ah kya sei ci ung, uk ciah bawi gui cu ami bi m’htei ne ami bi ah a kyak ung Khanpughi ah khuut bik ci gui ah kyak ci.

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

LAMKTU 11:22

Shin ah a mawng gui cu Jerusalem ah khrithabum gui naw ng’ya u netah Barnabas cu Antiok ah tüi ci gui.

LUKA 1:23

Taigüim kyong ah taigü nak a khin ng’pyi sei, Zechariah cu a im ah hteit ba ci.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

JOB 1:6

Khanchang gui Bawipa ah ma ah ami law vai ah akhin a gawk law yah ung, Satan phi ami ng’lung ah law tuk ci.

1 PETER 3:7

Acun ah mäih ah nangmi pami gui naw phi nami chu gui cu, ami thagui ken ci kyasei, ami m’lung ngaih hmat ne nami k’dük gui vai. Ngami cu Khanpughi ah nam shumphyuk gui ah ghin nak, nangmi awn a täng ah gah tuk khai gui ah kyasei, chang m’sui ne nami om püi gui vai nei. Cun ah nami bi ung vah nami taigü nak hnaihnawk nak a i kä om khai.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

HEBRU 10:11

Jew taigü pängpäng naw ak hnüüp tä sei, apeitaak vai la am ghuthaa vawihpeh vai cu bik ci; cun ung phi cun ah ghuthaa nak naw cheishoh nak cu kä nawtpet hlawt ci.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

EPHESIAN 3:6

Cun ah thuuk ciah a mawng ung, Thu Ni awn chang khuihei gui naw, Jew chang gui ah mäih ah Khanpughi ah yoshen nak cu gah tuk ci gui. Jew chang gui la khuihei chang gui cu, pumsa tumat ung ka, ang phyeek pai gui ah kya ne, Bawi Khrit Jesuh ung Khanpughi ah shaitaak cu ng’kühyah ci gui.

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

KALATIAN 3:9

Abraham naw yum ne m’shumphyuk nak gah ci; ani ah mäih ah yum ciah chang phung naw m’shumphyuk nak cu gah ci gui.

KALATIAN 3:7

Cun ah kyasei Khanpughi akcang ah yum ci gui cu, Abraham ah hta ng’shon gui ah kyak ci, cicu nami hmat vai nei.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

LAMKTU 16:26

Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

ATÜNNAK 32:24

Jakob cu amät om shüt ci. Chang tumat law ne ani cu thaai ne ng’pyei püi ci.

MATTHE 4:11

Cun kawn ah khoshe cu a hei ah hteit khätah, khankho chang gui kyum law u ne, Bawipa Jesuh cu m’hteihtang ci gui.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

ROMAN 11:14

Kei naw ka mät ah pakhui chang gui ung m’thüi nak ah m’lung om khai ah ka bi nak awn, ngami ungka chang amshah naw bawtah hun nak gah tuk khai gui nei.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.