HEBRU 1:11 - Cho Bible Common Language 2016

¹¹ Cun gui cu ng’kawn yawp khai gui, Cun ung phi nang cu na om lä khai; Ngahmi cu suisak ah mäih ah kheei lawk khai gui.

HEBRU 1:11 Referans Kwoze

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

MAKUH 13:31

Khankho la khomdek a maih ung phi kei ah ng’thu cu kä maih khai nei.

ISAIAH 34:4

Hni la cha ni, aisi gui cu m’vut ah khai gui. Khan kho mik cu k’sho ah mäih ah ng’tho ne maih khai, aisi gui cu, thei sing, käcung sapyit ung ka a hnah gui a kiawi ah mäih ah kiawi khai gui.

THU PHLAAN 21:1

Cun kawn ah khamkhaw thai la khomdek thai cu ka hmuk ci. Zän nä khankho la khomdek cu maih pyi ci. Tuinu phi kä om ba ci.

LUKA 21:33

Khankho la khomdek ang pyi ung phi, kei ah ng’thu cu kä ng’pyi khai.

MATTHE 24:35

Khankho la khomdek a maih ung phi kei ah thu cu kä maih khai nei.

HEBRU 12:27

“Hnü ät mä,” ciah thu m’kha naw ang dang sak cu, a tüi sho gui avan ng’tum sei thüng sak gui netah, m’hnawng gui khai, cun ung kä thük tuk ci gui cu k’pawih shüt khai gui, ciah kiak ci.

ISAIAH 65:17

Bawipa naw pyen ci, “Kei naw khomdek thai la khankho thai cuka pyang ci nei. Azan kya man ciah amawng gui phung cu m’hnih yawp vai nei.

SAM 90:2

Khomhtung gui la khomdek khan ak ghing avan kä na tüisho pha ge ung, cau pui tün ne Khanpughi ah na kyak ci, ngawi yä Khanpughi ah na kyak khai.

SAM 10:16

Bawipa cu ng’shon ng’län ung ghangpughang ah kya ci, A hei khawihnah ci gui cu akho ung maih sak gui khai.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

ISAIAH 50:9

Uktu Bawipa amät naw na shungshet ci nei — kei nakbün ci gui ami van maih khai gui nei; Ngami cu m’kyiit naw a ei ah suisak ah mäih ah kholä khai gui nei.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

SAM 102:26

Ngami cu maih khai gui, cun ung phi nang cu na om lä khai; Ngami ami van cu sui kheei ah mäih ah kyak khai gui, Nang naw na ghawt gui ciah mäih ah kyak khai, Ngami cu a kholä ah kyak khai gui.

HEBRU 8:13

Khanpughi naw cun ah thukhän thai ah mawng a pyein nak awn, ak htük ah thukhän cu kheei sak ci, cun ah kheei ci gui phung cu kä shou pha sei ng’kawn ne maih ci gui nei.