HAKKAI 2:7 - Cho Bible Common Language 2016

⁷ changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

HAKKAI 2:7 Referans Kwoze

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

1 GHANGPUGHANG GUI 8:11

dei ne ng’shü ne Bawipa ah om nak ah kyak ci, ngami cu ami bi mawng bi ba khai gui ah akyong ah kä valut ba hlawt ci gui.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

LUKA 2:46

Ak hnüüp thum hnüüp Taigüim kyong ah Jew saya gui awn ngo u ne, ami ng’thu ngai ne, ng’shi ca gui ne kyasei hmu ba ci goi.

LUKA 2:27

Simeon cu Mumcha Theing ah lam shüm nak awn Taigüim kyong ah lut ci. Thukhän ung om ciah mäih ah bi vai ah anu la apa naw ak hmaw ani law püi cu hmu netah,

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.

ISAIAH 60:7

Kedar la nebaioh ah ka htome avan cu, khawihnah nak vai ah nang ah law püi khai gui nei, Bawipa ah zeikiai nak ah sonkiang ung douthak vai nei. Bawipa naw ak Taigü im cu ayanä ah ta bämang pi khai ah bik khai nei.

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

LUKA 21:38

Chang gui cu ang thu ngai tuk khai gui ah kho ngawi ah ng’dawt ne pum im ah law ci ci gui.

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

LUKA 20:1

Kho hnüüp ät ung Bawipa Jesuh naw chang gui m’cäi gui ne ng’Thu Ni am thein gui yah ung taigü ng’vai gui ni, thukhän saya gui ni, Jew chang ng’vai gui ni cu law u netah;

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

KOLOSE 2:9

Khanpughi ah ang yung a mawng akümbe nak cu, Bawi Khrit ung om ne dang ci nei.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

ISAIAH 2:19

Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

ISAIAH 60:4

Na pei yung cu teng ä, a i, i ah a kyak cu na hmu ne ang? Na chang gui cu lm ah law ba khai gui ah ng’bum ci gui nei! Na htapa gui cu a shou nak ah ka lawk khai gui nei; Na hta hnumi gui cu a hmaw hta gui ah mäih ah Chang gui naw law püi gui khai gui nei.

EZEKIEL 31:16

Kei naw cun cu sih nak ah khaw ah ka tüih law ung, a zu kyak nak ah k’aw naw changpakhui gui cu thüng sak khai. Eden ung sing ghing gui avan ah ka ah hteit ci gui cu, ngami m’dek ka ah ami kyak law ah phäh ah yeikyai khai gui nei.

EZEKIEL 38:19

Kei naw angdang ah ka pyen cu, cun ah hnüüp ung kei ah ka m’lungshe nak ah ang ling naw Israel khaw cu aknui ah shipi ah thüng sak khai.

EZEKIEL 44:4

Cun kawn ah cun ah chang naw, a siiptäng m’kawt ungka naw Taigüim düma ah na hteh püi ci. Kei naw teng neta, Bawipa ah Taigüim cu, amät ah bämang nak ah akdei awn be sei ka hmuk ci. Kei cu m’dek ung ka hmai gawk khai ah ka ng’bawk ci,

HAKKAI 1:8

Atuhbäi khawgui ah kai ne, k’peen aat ne, Taigüim cu co ba vä. Cun kawn ah nami na yeikyai nak khai, ka om ah mäih ah nami na khawihnah khai.

1 GHANGPUGHANG GUI 8:10

Taigüim ungka taigü gui ami luh law sang ung, Taigüim cu ang ghit ah ng’mei awn be ne,