HAKKAI 2:4 - Cho Bible Common Language 2016

⁴ Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

HAKKAI 2:4 Referans Kwoze

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

ZEKHARIAH 8:9

“K’thamah vä! Nangmi naw tuhbäi, Taigüim cawh ba vai ah lung k’tung ng’lin yah ung, prophet gui ah acun ah ng’thu bä cu nami ng’ya ba ci nei.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

HAKKAI 1:13

Hakkai naw Bawipa ah ng’thu chang gui am a pek gui cu, “Kei cu nangmi awn atäng ah ka om khai, cun cu ka shaitak nei” ciah kyak ci.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

MAKUH 16:20

Ang düihpüi gui cu kho nüng ah hteit ne Thu Ni cu pyein ci gui. Ngami cu Bawipa naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

EZRA 5:2

Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.