HAKKAI 2:22 - Cho Bible Common Language 2016

²² uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.

HAKKAI 2:22 Referans Kwoze

MIKHAH 5:10

Bawipa naw, “Cun yah ung na ng’se gui cu k’täm ne, na ng’hle gui cu ka m’di khai.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

MATTHE 24:7

Chang pakhui tumat la tumat uknak khopäng tumat la tumat, ng’tuk nak om khai. Akho päng ung ei vai maih khai, shihpi thüng khai,

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

MIKHAH 5:15

Dämduh ciah ka m’lungshe nak awn, kä na ngai ciah pakhui avan ah khan ah phu ka tuk khai.”

EZEKIEL 39:20

Kei ah tawnglang ung ngami naw ami ei hning avan, ng’se gui la ng’cuum ci gui, gakap gui la ng’tuk ciah chang gui cu ei khai gui. Kei, Uktu Bawipa naw ka pyen nei.”

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

SAM 76:6

O Jakob ah Khanpughi, nang naw na m’cäi gui yah ung, ng’se gui la ng’se ung ng’cum ci gui cu si yawp ci gui nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

ZEKHARIAH 14:3

Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

ISAIAH 19:2

Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

2 SHONTÄP NAK 20:22

Ng’äi ami m’cu law yah ung Bawipa naw tu law gui ciah gakap gui cu püipyang sak gui ci.

1 SAMUEL 14:16

Benjamin khaw Gibeah ung gaw ngäng ciah Saul ah chang gui naw Philistin gui cu püpiang ne ami dawng cu hmuk ci gui.

PHYAWN NAK 15:19

Israel gui naw m’dek ung hteit ne tuinu kaan ci gui. Cun ung phi Egypt yatha gui cu ng’se gui la ng’cum ci gui awn tuinu ung ami law yah ung, Bawipa naw tuinu chah ba sei k’biing gui yawp ci.

PHYAWN NAK 14:28

Tui cu ng’hlat ne yatha gui, ng’cum ci gui la Egypt gakap gui ami van cu hteh gui ci. Ngami naw tui ah khüt ne Israel gui cu läk law gui ci gui ah kya ne tumat phi kä pawih ba ci gui.

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 15:4

“Ani naw Egypt gakap gui la ami yatha gui cu tuinu ung shum ci, akbä pi ah a bawi gui cu tuisen tui ung shum gui ci.

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

EZEKIEL 26:16

Tuinu ung hteithton ciah pakhui gui ah ghangpughang gui ami van cu ami mang kiang ung ka kyum lawk khai gui. Ngami cu ami suinu gui la ami cüiche sui gui sut u ne, ng’hlet ne m’dek ung ngok khai gui. Ngami naw nangmi ah kyak cu hmu u neta kyikyawk aih u ne, ami ng’hlet cu kä düm hlawt ci gui.

EZEKIEL 38:21

Kei naw Kok cu leigai a hlü hlü awn ka kyih sak khai. Kei, uktu Bawipa naw ka pyen nei. Ani ah a chang gui cu ami khimsem gui awn tumat la tumat ng’tu tuk khai gui.

AMOS 2:15

Likaap gui cu ami ng’lei ung kä ng’düi hlawt khai gui, dawngah gai ci gui cu kä dawng hlawt khai gui. Ng’se cuum ciah chang gui naw ami hnun gui kä phyawn hlawt khai gui.

MIKHAH 7:16

Chang pakhui gui naw a cun gui cu hmu u neta, ami gai nak vaisü ung, ami tha ng’haam sei, ami m’gawng k’bawm u ne, ami hnga phi paang khai nei.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

2 SHONTÄP NAK 15:6

Pakhui khaw tumat naw a hei khui khaw yawshe nak ci. Mang gaw tumat naw a hei mang gaw yawshe nak ci, a i ah kyasei ci ung Khanpughi naw ngami ah khan ah khüikha nak la geinvai nak law püi sei kyak ci.

MIKHAH 5:9

Israel gui naw ami ga näng ne m’di khai gui.

ZEKHARIAH 12:9

Cun yah ung Jerusalem tuk khai ah k’thanak ci phung cu kei naw ka m’di khai.