HAKKAI 2:2 - Cho Bible Common Language 2016

² Zerubabel Judah uktu bawi ni, Joshua taigütung ni, chang gui ni, ah ma ah Hakkai naw ng’thu a pyen vai ah Khanpughi naw m’cäi ci.

HAKKAI 2:2 Referans Kwoze

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

NEHEMIAH 8:9

Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

EZRA 1:8

Ani naw cun gui cu mang ah ngui m’küm ciah angvai Mithredath am ap sei ani naw Sheshbayyar, Judah uktu am akni ah pyang ne

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.