HAKKAI 2:19 - Cho Bible Common Language 2016

¹⁹ Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.

HAKKAI 2:19 Referans Kwoze

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

SAM 84:12

M’gäi ciah Bawipa, nang ung ng’ap ci gui cu yeikyai aih ci gui nei!

THULÄÄN NAK 15:10

Pängye ne mät ah phäh bäng kä ngai ne chang am na pek vai. Bawipa naw na bi nak päng ung hriham ning pek khai.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

JEREMIAH 31:14

Kei naw taigü gui cu ei akni pi awn be sak gui ne, ka chang gui ung hlü ci gui avan cu Kei, Bawipa naw ka pyen nei.”

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

THULÄÄN NAK 28:22

Bawipa naw nangmi cu ng’pek ciah natnak, ng’plin nak la gaw nak awn ning dep gui khai. Ani naw chawng ne ng’gau sak ciah khawkhi tüi law ne, Nami geit gui cu m’di khai. Cun ah leigai gui cu kä nami sih pha ah chuih nangmi ung om khai.

JOB 39:12

Na geit khäm cu phui law ne, Na hlang ung ka htang gui cu law püi ne m’sep khai ah na ngaih u hning khai aw?

HAKKAI 1:11

Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”