HAKKAI 2:17 - Cho Bible Common Language 2016

¹⁷ Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.

HAKKAI 2:17 Referans Kwoze

THULÄÄN NAK 28:22

Bawipa naw nangmi cu ng’pek ciah natnak, ng’plin nak la gaw nak awn ning dep gui khai. Ani naw chawng ne ng’gau sak ciah khawkhi tüi law ne, Nami geit gui cu m’di khai. Cun ah leigai gui cu kä nami sih pha ah chuih nangmi ung om khai.

HAKKAI 1:11

Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

JEREMIAH 3:24

Cun ung phi Baala, lümg aa nak ah khanpughi khawihnah nak naw cau pui tün ne kami pupa gui naw ami bilawh law gui nü-htome nak, seipat mak gui, hta pami, hta hnumi gui avan shum sak yawp ci nei.

ISAIAH 62:8

Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

ISAIAH 37:27

Cun ung om ciah chang gui cu a huham kaa gui nei; ngami cu kyi aih ne tuu ci gui nei. Ngami cu ak kyang täng ung ka, kiang khokhi ling akhi law ung ak khi gui ah loma ah khum’ghaw la m’dicih khan ung pyon ciah k’taa ah mäih ah kyak ci gui nei.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

SAM 78:46

Ani naw m’khagek gui chah ne, ami geit gui ei sak ne, ami lo gui m’di sak ci.

JOB 36:13

Khanpughi kaa ah om ci gui cu m’lungshe lä ci gui, m’kyuk nak ami khan law ung phi m’gein nak ami gah vai ah kä taigü ci gui.

2 SHONTÄP NAK 28:22

Cun ah ani cu a yaica pi sangung ayanka ah ta ka law pi khai ah Bawipa hnungtuk ne katnak bik ci.

2 SHONTÄP NAK 6:28

“Shin ah khaw ung khaw yaw ne baw, leigai kiung ne baw, khawkhi aa, käcung khanpeh naw baw geit gui m’di ne baw, käcung na chang gui cu ami ga gui naw tu gui ne baw, käcung ami ng’lung ah gaw nak nat nak gawk law khäta,

ATÜNNAK 42:27

Lam ah ami ih nak ah tumat naw ang ip phian ne laa am a vuh vai htang la neta, ang ip khui ah ngui om sei hmuk ci.

ATÜNNAK 42:23

Ami ng’thu cu Joseph naw hmat ci, cun ung phi ngami naw kä hmat ci gui, a i ah kyasei ci ung Joseph naw thu k’phlan tha ne ang thu püi gui ah hmawk ah kyak ci.

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

ISAIAH 28:2

Bawipa ung k’thamah ci tumat om ci, ani cu huham mah ne tu gui ge khai ah kyak ci, ani cu gäinu ah mäih ah, kho k’aa nu ah mäih ah kho ng’güüt ah mäih ah huham mah ciah tui k’law ah mäih ah kya ne, kho avan cu küm khai nei.

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

HAKKAI 2:16

Hmin ciah htang phia goi nami law nak man ung a phia bäng law ba ci. Sapyit tui k’am ung a phya nami law nak man ungka, k’am phlikip bäng law ba ci.

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.