HAKKAI 1:9 - Cho Bible Common Language 2016

⁹ “Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

HAKKAI 1:9 Referans Kwoze

HAKKAI 1:4

“Ka chang gui aw, ka Taigüim she ne a kyak sang ung, a i ah kyasei im ni cine nami om ang?

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

ISAIAH 40:7

Bawipa naw ami khan ah kho akhi law sak ah a kyak ung, m’ghaw gui cu chawng na, cheipai gui cu ng’yai khai nei. Chang gui cu m’ghaw ah mä kä näng tuba hning ci gui nei.

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

JOB 10:2

Kä na m’kyuk en ä, Khanpughi. Na m’thein ä! A i uktu naw a na ng’tuk püi ang?

2 GHANGPUGHANG GUI 19:7

Bawipa naw uktubawi am ng’thu ng’lak cu ng’yak sak khai, a cun naw ani cu amät ah khaw ah hteh ba sak khai, a cu ah ani cu Bawipa naw ngawn sak gui khai.”

2 SAMUEL 22:16

Tuinu ah aka phah cu auh ci, Khomdek ah a phung a kung cu ng’hmawng ci. Cun cu Bawipa naw a ga gui m’kat gui ne, ami khan ah m’lungshe ne am ngaw yah ung ah kyak ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

NG'THU K'THUUK~ 27:20

Chang ah ng’yak hlü gui cu sih nak khaw ah mäih ah kyak ci, angtäi sei akhan om ba hnga mä ci.

THUSHÄUTU 1:8

Apäng avan cu khüikha nak täng ah mang ci-khüikha nak cu ng’thu awn pyen vai ah däm aih ci nei. Mi mik naw kä hmu yap lawt ci, mi hnga naw kä ng’ya yawp hlawt ci.

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

NG'THU K'THUUK~ 11:24

Chang am akda pe ta ne phi bämang law pi ci om ci, aktä ah m’cun m’sep ne phi du khaih law pi ci phi om ci.

ISAIAH 5:10

Lo cing hma ung tho ciah sapyit cu um ung ak cheit bäng ah a tui gah vai. Htang tang gha shaw geit ci naw phi htang a tang bäng ah m’sep khai” cik ci.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”