HAKKAI 1:8 - Cho Bible Common Language 2016

⁸ Atuhbäi khawgui ah kai ne, k’peen aat ne, Taigüim cu co ba vä. Cun kawn ah nami na yeikyai nak khai, ka om ah mäih ah nami na khawihnah khai.

HAKKAI 1:8 Referans Kwoze

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

2 SHONTÄP NAK 7:16

A i ah kyasei ci ung kei naw shin cu ghü ne khonglän ung kei na khawihnah nak vai ah hmun ah ka ap ah kyak ci. Kei naw shin cu ngäng ne akphlüt ah ka shungvong khai ne.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

1 GHANGPUGHANG GUI 9:3

Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.

PHYAWN NAK 29:43

Acu ah kei naw Israel chang gui cu ka ng’hmuh püi gui khai. Ng’shü ciah ka om nak ah akdei naw cun ah hmun cu theingciim sak khai.

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.

ISAIAH 66:11

Anu ah k’coi ung om ciah a hmaw ah mäih ah nangmi cu ani ah bühmang nak ung nami yeikyai khai nei.

ISAIAH 60:13

M’htai k’pen gui, m’htai ng’tak gui, m’htai ng’geng gui la lebenon khobung ung ka sing akni gui cu, Nang, Jerusalem ning cawh nak ba vai ah law püi khai gui nei. Ka Taigüim kyom khai ah, hlüngtai khai ah bi nak vai ah kyak ci nei.

ISAIAH 60:7

Kedar la nebaioh ah ka htome avan cu, khawihnah nak vai ah nang ah law püi khai gui nei, Bawipa ah zeikiai nak ah sonkiang ung douthak vai nei. Bawipa naw ak Taigü im cu ayanä ah ta bämang pi khai ah bik khai nei.

EZRA 6:4

Paang gui cu lung kleep thum päng ah akhan ung sing klep ät ciah phah ne cawh vai. Ng’pyi ciah a phu avan cu bawi mang ah ngui m’küm ungka pek vai.

1 GHANGPUGHANG GUI 6:1

Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.

HAKKAI 1:7

A i ah kyasei shin ah a kyak cu kä nami hmuk ci ma?

1 SHONTÄP NAK 22:19

Tuhbäi na Bawipa Khanpughi ah bii cu na m’lung kyong avan na ghin nak avan awn na bi vai. Taigüim cawh vai cu tuhbäi na k’tün vai, cun ung nang naw Bawipa ah Thukhän M’küm la khawihnah nak ung mang ah a hei theingthap ci avan cu nang naw cun ah kyong ah na tha hning khai” cik ci.