HAKKAI 1:6 - Cho Bible Common Language 2016

⁶ Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

HAKKAI 1:6 Referans Kwoze

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

HOSEA 4:10

Nangmi naw khawihnah nak ung nami chaw cu nami ei khai, cun ung phi nami cawi lä khai. Nangmi naw ng’shonbang nak ah khanpughi gui nami khawihnah khai, Cun ung phi kä nami hta nau khai. A i ah kyasei ci ung nangmi naw kei na ng’hlah ta u ne, ahei khanpughi gui nami läk ci.”

HAKKAI 2:16

Hmin ciah htang phia goi nami law nak man ung a phia bäng law ba ci. Sapyit tui k’am ung a phya nami law nak man ungka, k’am phlikip bäng law ba ci.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

ISAIAH 5:10

Lo cing hma ung tho ciah sapyit cu um ung ak cheit bäng ah a tui gah vai. Htang tang gha shaw geit ci naw phi htang a tang bäng ah m’sep khai” cik ci.

ZEKHARIAH 8:10

Kä cun pha ung m’khüt hning ci a u kä om ci, chang phi kä om ci, sei saya phi kä om ci. A u phi ami ga gui ah kut ung phyawn sak gui ci kä om ci. Chang gui tumat la tumat ka ng’hnungtuk sak gui ci.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

JEREMIAH 44:18

Cun ung phi khankho ghangpughang nu am khawihnah nak kä bi ba ne, ani am sapyit douthak nak phi kä bi ba ne kami om ung tün ne, keimi ung a i phi kä om ba ci, kami chang gui phi ng’tuk nak ung la ei ah cawi ne sik ci gui.

JEREMIAH 14:4

A i ah kyasei ci ung khaw kä aa ci, khomdek chawng yawp ci, lo mah gui ami m’lung nak ci; ngami ami hmai thup ci gui.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

JOB 20:28

Ani ah khawhcham avan cu Khanpughi ah m’lungshe nak ah tui naw m’di khai nei.

JOB 20:22

Ani cu näng m’khüt ne a hlüngtai yah ung phi a cun ah phuih gih naw shudeng khai.

1 GHANGPUGHANG GUI 17:12

Ani naw m’shang ne, “Kei naw ghing ciah Bawipa, na Khanpughi ung khän ne ka pyen cu, kei ung m’htut kä om ci. Kei ung om ci avan cu k’am ung m’htut den a shum la situi um ung olive-situi api ah kyak ci. Kei shin ung im ah ka hteh püi vai sing ka lak ci, ka mät la ka hta ah phäh apihta ka pyang khai. Cun cu kei ni ah a hnu ah ei ah kyak ci, cun kawn ah cawi ne kani sik khai kyak ci,” cik ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

TAIGÜTHUM 26:20

K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

NEHEMIAH 5:2

Amshah naw, “Keimi ah kyong chang kami da ci, keimi kami ghin nak vai ah htang akda hlü ci,” cik ci gui.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

HAKKAI 1:5

Nangmi ah khan ah a i a gawk law cu kä nami hmu ne ma?

HAKKAI 1:7

A i ah kyasei shin ah a kyak cu kä nami hmuk ci ma?

HAKKAI 1:10

Cun ah kyasei khaw kä aa ci, geit kä tho ci.

HAKKAI 2:17

Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.

THULÄÄN NAK 28:17

“Bawipa naw nami htang gui la acun ungka nami pyan ah ei gui cu plah taam khai.

NG'THU K'THUUK~ 11:24

Chang am akda pe ta ne phi bämang law pi ci om ci, aktä ah m’cun m’sep ne phi du khaih law pi ci phi om ci.