HAKKAI 1:4 - Cho Bible Common Language 2016

⁴ “Ka chang gui aw, ka Taigüim she ne a kyak sang ung, a i ah kyasei im ni cine nami om ang?

HAKKAI 1:4 Referans Kwoze

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

PHILIPPIAN 2:21

A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

JEREMIAH 33:12

M’gäi ciah Bawipa naw pyen ci, ‘Bunghmu ah mäih ah kya ne, chang la khisa gui ah kä om nak ah shin ah khaw cu htoshäm gui naw ami htome gui ami chah nak vai ah khulim khaw ah kya ba khai.

JEREMIAH 33:10

Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

SAM 102:14

Na changshäm gui naw ani cu m’hni ci gui, cun ung phi ani cu di pyi ci; Ngami naw ani cu m’gein ci gui, cun ung phi ani she pyi ci.

SAM 74:7

Ngami naw na Taigüim cu pye ne mei awn m’khih ci gui; ning khawihnah nak ah hmun phi m’shet ci gui.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

JEREMIAH 22:14

“Kei naw mang im nu co ne akhan ah akhan ang shawng gui akda ka pyang khai” ci ne khähghah cicu ng’ziin nak om ci. Ani naw a im ung m’kawt gui pyang ne, cedar sing awn pyang ne a sen awn hluk ci.

HAKKAI 1:3

Bawipa naw shin ah ng’thu cu prophet Hakkai ungka naw a chang gui am m’thein gui ci.

HAKKAI 1:5

Nangmi ah khan ah a i a gawk law cu kä nami hmu ne ma?

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

2 GHANGPUGHANG GUI 5:26

Cun ung phi Elisha naw, “Cun ah chang nang ning hmuk khai ah yatha ungka, akyum law yah ung kei cu ng’mümcha awn acun ung ka om ciah kä kya se ang? Shin cu ngui ni, suinu ni, oliv-dum, sapyit dum ni, htome ni, seipat ni, changshäm ni dou nak vai ah akhin ah kä kyak ci nei.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;