HAKKAI 1:2 - Cho Bible Common Language 2016

² Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

HAKKAI 1:2 Referans Kwoze

EZRA 4:23

Artaxerxes ah ca phat neami m’thein gui vai am, Rehum ni, shimshai ni la thawi gui ci gui cu ang ghit ah Jerusalem ah hteit u ne, Jew gui naw mang gaw ami cawh ba cu, akgat ah ng’düm sak gui ci gui.

NEHEMIAH 4:10

Judah chang gui naw ng’äi tumat m’cu ci gui: “Phuih gih kami phuih nak kami tha ken lawk ci nei, Ng’awt sawp akda ghawh vai om ci nei. A i hawcha ah mangpaang cu tuh ngawi kami co khai ang?”

THUSHÄUTU 11:4

Khokhi kho aa a hman güt bäng ging ciah chang cu, a i yah ung phi kä geit kaw hlawt khai, kä khämkhi hlawt khai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

KHEI NAK 13:31

Cun ung phi Kaleb awn a täng ah hteit ciah chang gui naw, “Ka, ngami näng nak gui hlawt vai ah mikmi kä mi k’thamah ci nei. A cu ah om ciah chang gui cu mikmi ah ta huham mah pi ci gui nei.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

NG'THU K'THUUK~ 22:13

Chang dam cu im ah om ci, k’pung ah ka luh law ung phongkawng naw na lo khai, cik ci.

HAKKAI 1:1

Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

HAKKAI 1:3

Bawipa naw shin ah ng’thu cu prophet Hakkai ungka naw a chang gui am m’thein gui ci.

2 GHANGPUGHANG GUI 12:7

Cun ah kyasei ani naw Jehoada la a hei taigü gui cu khü gui neta ng’shi gui ci, “A i ah kyasei nangmi naw Taigüim kä nami pyan ang?” Tuhbäi ung tün ne nangmi naw nami gah ah ngui cu kä nami gim vai, nami ap gui vai, cun ung pyan m’tham nak gui vai ah kyak khai” cik ci.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;