Biblia Todo Logo
Bib sou entènèt

- Piblisite -




HAKKAI 1:14 - Cho Bible Common Language 2016

14 Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

Gade chapit la Kopi




HAKKAI 1:14
19 Referans Kwoze  

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.


Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.


Judah uktu bawi, Zerubbabel am na m’thein vai, “Kei naw khankho la khomdek ka k’thüng lawk khai,


Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.


Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.


Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.


Cun ah kyasei Khanpughi naw Assiria Uktubawi Pul (Tiklath Pileser) am ami khaw cu tuk sak ci. Ani naw Reuben, Kad, la ak kyang Manasseh pakhui gui cu k’täm gui neta, Habor, la Hara la Kozan Tuinu pei ah angtäi sei om sak gui ci.


Zerubabel Judah uktu bawi ni, Joshua taigütung ni, chang gui ni, ah ma ah Hakkai naw ng’thu a pyen vai ah Khanpughi naw m’cäi ci.


Cun ah kyasei keimi naw paang cu co ba u ne, chang gui naw k’tha na ne bi u sei, a hlüng ah a teih cu kami pyi pyi ci nei.


“Nang bawi naw na hmat khai nei, Keimi cu Judah khopäng ah hteit u neta, dämduh ciah Khanpughi ah Taigüim cu lung nu gui awn co ne khaai u ne, akpaang ung sing lawng nu gui ami dawn cu kami hmuk ci nei. Ami bi cu ang htei ah geing na ne bi u ne, ang khän ah bik ci gui nei.


Shealtiela ah hta Jerubabel la Jehoyadak ah hta Joshua naw ami ng’thu pyen cu ng’ya ni neta Ngani naw Jerusalem ung Taigüim cu Tün ne co ni sei prophet goi naw cawh püi gui ci goi.


Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.


Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.


Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.


Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.


Cun cu Darius ah uknak a kum goi nak, a cha chuk nak ah a hnüüp m’ku lei phli nak ung ah kyak ci.


Swiv nou:

Piblisite


Piblisite