HAKKAI 1:13 - Cho Bible Common Language 2016

¹³ Hakkai naw Bawipa ah ng’thu chang gui am a pek gui cu, “Kei cu nangmi awn atäng ah ka om khai, cun cu ka shaitak nei” ciah kyak ci.

HAKKAI 1:13 Referans Kwoze

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

MATTHE 18:20

A i ah kyasei ci ung chang hnih thum hta phi kei ah ming awn ami bum ah a kyak ung ngami awn a täng ah kei cu ka om ci,” ci ne m’cäi gui ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 15:20

Nang naw ngami na näng nak gui vai ah m’liu ciah kyei k’paang ah mäih ah ka ning pyang khai. Ngami naw ning tuk khai gui, cun ung phi kä ning hnim hlawt khai gui. Kei naw nang cu ning shungvong ne k’pang ne ka ning phiawn khai.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

2 SHONTÄP NAK 32:8

Ani ung chang ah huham om ci, cun ung phi mikmi ung na m’htei gui ne, mikmi täng ah om ne ng’tuk bik ciah Bawipa mi Khanpughi om ci” cik ci. Chang gui cu ghangpughang ah thu pyen awn k’tha gui gah ci gui.

2 SHONTÄP NAK 20:17

Shin ah ng’tuk nak ung kä nami ng’tuk hlawt khai. Pawng m’htei ne nami ngäng gui düt vai: Bawipa naw näng nak a ning pek gui cu nami hmuk khai. Judah la Jerusalem chang gui, kä nami ng’ä ai vai, kä nami kyih vai. Ng’tuk nak ah nami hteh vai, Bawipa naw ning om püi gui khai.

EZEKIEL 3:17

Ani naw pyen ci, “Hnicim Chang kei naw nang cu Israel pakhui khaw na ngäng khai ah ka ning pyang ci nei kei naw ka ning pekah thuk bäi gui cu ngami am na pyen nak ba gui vai.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

ISAIAH 42:19

Kei ah changshäm ah ta amik mü tuba ci, a u om ne ang? Ka tüih law ah ng’shächang ah ta ak hnga pang tu ba ci, a u om ne ang?

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

SUKI GUI 2:1

Bawipa ah khanchang naw Kilkal ungka naw Bochim ah hteit neta, Israel gu a pyen nak gui cu, “Kei naw Egypt khaw ung ka ning plawk ba gui ne, nami pupa gui am shai ka taak ah khaw ung ka ning law püi gui ci. Kei naw ka pyen cu, ‘Nang mi awn ka thukhän cu api ah phi kä ka m’shet khai.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.