HAKKAI 1:11 - Cho Bible Common Language 2016

¹¹ Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”

HAKKAI 1:11 Referans Kwoze

HAKKAI 2:17

Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.

THULÄÄN NAK 28:22

Bawipa naw nangmi cu ng’pek ciah natnak, ng’plin nak la gaw nak awn ning dep gui khai. Ani naw chawng ne ng’gau sak ciah khawkhi tüi law ne, Nami geit gui cu m’di khai. Cun ah leigai gui cu kä nami sih pha ah chuih nangmi ung om khai.

2 GHANGPUGHANG GUI 8:1

Tuhbäi Shunem ah ka hnumi, ani naw a hta a ghin ba sak am Elisha naw a pyen nak cu, khaw avan ung Bawipa naw khoyaw tuishet nak tüi lawk khai, cun cu kum chih lüng khai, cun ah kyasei hnumi naw akyongchang gui awn a täng ah a hei ah hteit ne ami om vai,

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

AMOS 9:6

Bawipa naw Khankho ah a im co ci, khomdek khan cu khomik awn küm ci. Ani naw tuinu tui gui cu khü ne, khomdek khan ah yuk chah ci. Ani ah ming cu Bawipa nei!

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

NG’ÄI KYAH 1:21

“Ka hlaw ng’ei nak cu ngai vä, kei na shungvong ci a u kä om ci nei. Nang naw leigai ka khan ah law püi ci sei, ka ga gui cu yeikyai aih ci gui nei. Na shaitak ah kho hnüüp cu law püi yä, ka ga gui cu kei ah mäih ah yaica sak gui ä.

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

MALAKHI 3:9

Nami van ah khan ah plah tam nak om ci, a i ah kyasei ci ung changpakhui avan naw nami na gut tep ci nei.

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.

HAKKAI 2:19

Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.