HAKKAI 1:1 - Cho Bible Common Language 2016

¹ Persia khaw ung Darius ghangpughang ah a kyak nak, a kum goi nak, a cha chuk nak ah hnüüp ät hnüüp ung Bawipa naw prophet Hakkai ung ng’thu pyen ci. Cun ah ng’thu cu Judah uktu bawi Shealtiel ahta Zerubbabel la taigütung Joshua, Jehozadak ah hta ah phäh ah kyak ci.

HAKKAI 1:1 Referans Kwoze

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

HAKKAI 2:10

Darius ah uknak a kum goi nak, a cha kaw nak a hnüüp m’ku lei phli hnüüp ung, hlüngtai ciah Bawipa naw prophet Hakkai am cäi ba cu,

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

NEHEMIAH 7:7

Ngami ah ami ng’vai gui cu, Zerubbabela, Joshua, Nehemiah, Azariah, Raamiah, Nahamani, Mordekai, Bilshan, Mispereth, Bikvai, Nehum la Baanah ah kyak ci.

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

HAKKAI 2:20

Acun ah hnüüp, cun ah cha ah hnüüp m’ku lei phli ung Bawipa naw a hnih vei nak ah Hakkai cu ngh’thu püi ci.

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

NEHEMIAH 12:10

Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

NEHEMIAH 12:1

Shin gui cu Taigü la Levit gui tän gui ah kyak ci, Shealtiel ah hta Zerubbela la taigütung Joshua awn atäng ah omktu khaw ah ka law ba ci gui ah kyak ci: Seraiah, Jeremiah, Ezra, Amariah, Malluk, Hattush, Shekeniah, Rehum, Meremoth, Iddo, Kinnethoi, Abijah, Mijamin, Maadiah, Bilkah, Shemaiah, Joiarib, Jedaiah, Sallu, Amok, Hilkiah, la Jedaiah. Shin ah chang gui cu Joshua ah akhin yah ung ami taigü paw gui avan ah khan ah ng’vaihta ci gui ah kyak ci. Shin gui cu m’hlungtai ne ng’äi m’cu yeikyai nak ung tängpang ci gui ah kyak ci: Jeshua, Binnui, Kadmiela, Sherebiah, Judah, la Mattaniah.

NEHEMIAH 8:9

Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.

NEHEMIAH 5:14

Kei cu Judah kho ung uktu ah ka kyak nak kum gha lei goi ah akyong avan ung, Artaxerxes uktubawi ah akum m’ku nak ung ka naw, akum thum kip lei goi nak khüt sei, kei la ka mätyah gui naw, uktubawi ah gah vai ah ei awk cu kä kami lak ci.

EZRA 4:24

Taigüim ami cawh ba ng’lung ami ng’düm nak cu Persia ghangpughang dirius ah uk nak akum goi nak güt ung om lä ci.

EZRA 4:2

Cun ah kyasei ngami naw Zerubabel la pahta gui ung aming’vai gui cu hteit ne hmu gui u neta, “Taigüim cawh nak ung kami co tuk khai nei, nangmi ah khawihnah ah Khanpughi bä keimi phi kami khawihnah ci nei. Assiria ghangpughang Esarhaddon naw shin ung om vai ah ana tüih law gui ge ung ani am keimi naw khawihnah nak akami douthak ci nei,” cik ci gui.”

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

EZRA 1:8

Ani naw cun gui cu mang ah ngui m’küm ciah angvai Mithredath am ap sei ani naw Sheshbayyar, Judah uktu am akni ah pyang ne

1 SHONTÄP NAK 3:19

Pedaiah ung a htapa hnih om ci, Zerubbabel la Shimei. Zerubbabel ung a htapa hnih, Meshullam la Hananiah om ci, a hta hnumi tumat Shelomith om ci.

1 SHONTÄP NAK 3:17

Shin cu ghangpughang Jehoiachin ah htangshon gui ah kyak ci, ani cu Babilonian gui naw ami pha ah kyak ci. Jehoiachin ung a hta chih lawk ci: Shealtiela,

2 GHANGPUGHANG GUI 14:25

Ani naw Israel gui ah khopäng avan khäm ba ci, a siiptäng Hamath ungka naw a htumtäng Tuiksi Tuinu ung khüt ci. Shin cu Israel Khanpughi, Bawipa naw Kath Hepher ungka a changshäm prophet Amittai ah hta Jonah ung shaitak abi ah kyak ci.

1 GHANGPUGHANG GUI 14:18

Israel chang gui cu thüikyap u ne ani cu htümtha ci gui, cun cu Bawipa naw a changshäm prophet Ahijah ung a pyen.

LUKA 3:27

Joda cu Joanan ah hta, Joaanan cu Rhesa ah hta, Rhesa cu Zerubbabel ah hta, Zerubbabel cu Shealatiela ah hta, Shealatiela cu Nari ah hta;

PHYAWN NAK 4:13

Cun ung phi Moses naw, “Ka nei, Bawipa aw, na bä ni, chang a hei tüi ä” cik ci.

1 GHANGPUGHANG GUI 10:15

Cun kawn ah Sumlei chang gui ah peit ah k’phlam gui, ami sumlei nak ung taang lawk ci gui, Arabian ghangpughang gui naw ami pek law gui, Israel khopäng gui ung uktu gui ah pek law gui cu gah ci.

EZRA 5:1

Cun ah akhin ung prophet hnih Hakkai la Iddo ah hta Zechariah cu Israel Khanpughi ah ang ming awn Judah la Jerusalem ung om ciah Jew chang gui ah ma ah tün ne ng’thu pyen ci goi.

EZRA 5:3

Acun vai am Euphratis akhei täng uktu Tattenai, Shethar Boyenai la ami paw bawi gui naw Jerusalem ah law u neta ami k’thäh cu shin ah Taigüim co ne m’khüüp vai ah a u naw ang thumkhän aning pek gui?

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

HAKKAI 1:2

Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

HAKKAI 1:3

Bawipa naw shin ah ng’thu cu prophet Hakkai ungka naw a chang gui am m’thein gui ci.

HAKKAI 2:21

Judah uktu bawi, Zerubbabel am na m’thein vai, “Kei naw khankho la khomdek ka k’thüng lawk khai,

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

HAKKAI 1:15

Cun cu Darius ah uknak a kum goi nak, a cha chuk nak ah a hnüüp m’ku lei phli nak ung ah kyak ci.

ZEKHARIAH 1:1

Darius cu Persia ghangpughang ah a kyak nak, a kum goi nak, a cha cheit nak ung Iddo ah tu, Berechiah ah hta, prophet Zekhariah am Bawipa naw shin ah ng’thu cu pek ci.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.