HABAKKUK 3:8 - Cho Bible Common Language 2016

⁸ Bawipa, tuinu gui naw na m’lung ning shet sak u ne ma? Tuilinu gui naw na m’lung ning so sak u ne ma? Nang cu khongmei ah khan ah na ng’cum ci; puikho khi cu na ng’hlee ah kyak ci nang naw na chang gui ah näng nak na law püi ci.

HABAKKUK 3:8 Referans Kwoze

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

SAM 114:5

Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

SAM 114:3

Tuisen tuinu naw hmu neta dawng ci, Jordan tuinu cu kä lon ah ng’düm ci.

SAM 18:10

Ani cu Cherubim ng’cum ne zong ne; Khokhi ah ng’phya khan ah hteihton ci.

MAKUH 4:39

Bawipa Jesuh cu tho ne ng’düi law netah, “Khokhi aw ng’düm ä, tui hnawk aw kyeim ä” cine khämtam ne pyein ci. Acun vai-am kho khi cu ng’düm ne, tui hnawk cun phi kyeim ci.

HABAKKUK 3:15

Na ng’se gui awn tuinu na kai nak ci, chün ciah tuinu cu m’naw ci nei.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

THU PHLAAN 6:2

Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.

SAM 45:4

Düng nak la taga nak ah shung hmawk ah näng vai ah m’gäi nak ung ng’cum ne hteit ä. Na thagui naw ak kuikyang ah ning näng sak khai nei.

PHYAWN NAK 7:20

Moses la Aaron naw Bawipa ah pyen ah mäih ah bik ci goi. Ghangpughang la a bawi gui ah ma ah Aaron naw ang shopawng cu shääng ne, tuinu ah hmai cu that ci, tui avan cu si ah ng’lat yawp ci.

PHYAWN NAK 7:19

Bawipa naw Moses am, “Aaron am na m’thein vai, ang shopawng cu la ne Egypt khaw ah tuinu avan, tuilawng avan la tui shawk avan ah khan ah a shääng vai nei. Tui gui cu si ah ng’lat yawp khai, khaw avan cu si ah kya yawp khai nei, sing kawk, lung khui ung phi si be khai nei” cik ci.

PHYAWN NAK 14:16

Na ng’shopawng cu m’tho ne tuinu ah khan ah hei shäng ä. Tuinu ng’pai khai nei. Israel gui cu m’dek hu ung hteit ne, tui hei kaan khai gui nei.

SAM 77:16

O Khanpughi, tui gui naw ami ning hmuh ung kyik ci gui, tuinu phi a khui ah ng’thüng ci.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.