HABAKKUK 3:6 - Cho Bible Common Language 2016

⁶ Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

HABAKKUK 3:6 Referans Kwoze

ATÜNNAK 49:26

Hrilham ah kyak ciah püm htang la cheipai gui, Hrilham ah kyak ciah cau khomhtung gui, Khonglän ung om ciah khogui gui ungka bämang nak gui, Shin ah hrilham gui cu Joseph ah lu khan ah gawk sä. Cun cu a phäi gui ung a hnga nak ah kyak ci nei.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

THULÄÄN NAK 33:15

Ami khomhtung phyim gui cu bä ciah am theih gui naw küm sä.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

MATTHE 24:35

Khankho la khomdek a maih ung phi kei ah thu cu kä maih khai nei.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SAM 90:2

Khomhtung gui la khomdek khan ak ghing avan kä na tüisho pha ge ung, cau pui tün ne Khanpughi ah na kyak ci, ngawi yä Khanpughi ah na kyak khai.

SAM 68:16

Nami hlüngtai nak awn a i ah kyasei, Khanpughi naw a om nak vai ah a ghü ah m’htung cu nami gheet taap ang? Bawipa cu acun ung angtäi ah om khai nei!

SUKI GUI 5:5

Khomhtung gui cu Sinai ah Bawipa, Israel gui ah Khanpughi, Bawipa ah ma ah thüng ci gui.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

PHYAWN NAK 21:31

Sei naw a hmaw hnumi phi, pami phi a plawh ngawn ah a kyak ung, acun ah thung ah kyak khai.

PHYAWN NAK 15:17

Nang naw akyong ah law püi gui ne na khomhtung ung na geit gui ci. Cu ah hmun cu nang Bawipa naw na im vai ah na ghü ah kyak ci, cun cu na mät naw na cawh ah Taigüim ah kyak ci.

JOB 21:18

Htang gong chawng ah mäih ah khokhi naw yon man ne ang? M’vut ah mäih ah puikho khi naw yon man ne ang?

SAM 35:5

Ngami cu khokhi ah zon ah ko ah mäih ah kya u sei, Bawipa ah khanchang naw k’täm gui sä.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

PHYAWN NAK 15:14

Chang pakhui gui naw ng’ya u ne kyi ne ng’hlet ci gui. Philistin gui cu kyikyawk aih ne cäi ng’ä ci gui.

PHYAWN NAK 15:15

Edom ah ami ng’vai gui cu cäi ng’ä ci gui. Moab gui ah chang m’gäi gui cu ng’hlet ci gui. Kanaan chang gui cu ami thagui maih ci.

PHYAWN NAK 19:18

Sinai m’htung avan cu meikhu naw küm ci, a i ah kyasei ci ung a cun ah khan ah meikdäi ung Bawipa ah law sei kyak ci. Meikhu cu mei hung ungka ah mäih ah khu sei chang gui avan kyi aih ne ng’hlet ci gui.

JOB 9:5

Ani naw m’htung gui phi kä m’cäi bek ling ah m’hnawn ne am’lung she nak awn m’shet gui ci.

SAM 97:5

M’dek khan van ah Bawipa ah ma ah, Bawipa la khomhtung gui cu khoi chap ah mäih ah tui ne ng’nawi ci gui.

SAM 104:32

Ani naw m’dek yuk teng sei, m’dek cu thüng ci, khomhtung gui tawk sei mei ah khü ci.