HABAKKUK 3:4 - Cho Bible Common Language 2016

⁴ Ani cu pyü ne ng’shü ne lawk ci, akut ung lailäp ne ng’shü ci nei, a cun ung a huham cu thup ci nei.

HABAKKUK 3:4 Referans Kwoze

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

JOB 26:14

Cun ung phi shin gui cu ani ah huham apüpüi ah kyak ci, amawng api mi ng’yak tu ah kyak ci. Khanpughi akcang ah a i hlawk ah dämduh ci cicu a u naw hmat hlawt khai aw?

PHYAWN NAK 14:20

Egypt gui la Israel gui ah ng’lak ah ng’düm ci. Khaw ng’mei naw Egypt gui cu mü shi gui ci, cun ung phi Israel gui täng ah dei khang ci. Cun ah kyasei mü pum ung gakap gui cu tumat la tumat kä ng’et hlawt ci gui.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

NEHEMIAH 9:12

Khaw hnüüp yah ung khongmei awn lam shüm gui ne, khaw amü law ung ami lam cu mei awn na shü gui ci.

PHYAWN NAK 13:21

Khaw hnüüp yah ung Bawipa naw ng’mei von ung ami ma ah hteit ne lam shüm gui ne, khawmü yah ung meidäi ung ami ma ah hteit ne shü gui ci. Cun ah kyasei ngami cu amü a hnüüp hteit hlawt ci gui.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

SAM 18:12

Ama ung pyü ciah akdei k’thuuk naw ng’vong ci gui. Gäilung la mei cak cu dang law ne, ng’meile cu shet sak ci.

EZEKIEL 1:27

Mei ah ang lung ung kyei ah mäih ah pyü ciah a müi om ci. Cun cu avan ah khan ah dei ne khang ci,

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.