HABAKKUK 3:3 - Cho Bible Common Language 2016

³ Khanpughi cu Edom khaw ah ka law ba ci nei; Khanpughi theing cu Paran m’htung ah ka kyum lawk ci nei, Ani ah hlüngtai nak naw khankho cu küm ci’ khomdek cu ani m’taam nak awn be ci nei.

HABAKKUK 3:3 Referans Kwoze

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

OBADIAH 1:9

Teman ng’tuk bi gui ng’thüng khai gui, Edom khaw ung gakap phung ngawn yawp vai nei.

AMOS 1:12

Cun ah kyasei kei naw Teman mang gaw khan ah mei yuk chah ne Bozrah mang paang cu ka m’khih khai.”

SAM 4:4

Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

THULÄÄN NAK 5:24

ami pyen cu, “Bawipa mi Khanpughi naw a dämduh nak la a bäimang nak cu na m’dang gui ne mei ungka naw ng’thu sei kami ng’yak ci. Tuhngawi keimi naw, chang tumat cu Khanpughi naw ng’thu püi pang sei phi k’täi ne a ghin nak hning vai om ci, cicu kami hmu pyi ci.

ATÜNNAK 21:21

Anu naw Egypt hnumi lak pe ne k’chu na sak ci.

ISAIAH 64:3

A zan ung hnü ät nang cu law ne, keimi naw kä kami ngaih-tüh ah kyih kyawk gui vai na bik ci nei; Khom htung gui naw nang ning hmu u neta, kyi ne ng’thüng ci gui nei.

SAM 48:10

Kho nü ung chang naw ning m’taam ci nei, Na ming theing cu m’dek ah khan avan ung ng’thang ci nei. Nang naw düng nak awn na uk ci;

SAM 9:20

O Bawipa, kyihkyawk sak gui ä; Ngami chang düt ah ami kyak cu hmat sak gui ä.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

SAM 3:4

Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

SAM 3:2

Ngami naw kei ah mawng pyen ne ng’htau u ne, “Khanpughi naw kä m’htei khai nei” cik ci gui.

1 SAMUEL 25:1

Samuel si sei, Israel chang gui ami van a täng ah law ne thüi kyap ci gui. Ani cu Ramah ah amät ah im ah k’phuh ci gui. Cun kawn ah David cu Param bungpuk ah hteit ci.

KHEI NAK 10:12

Israel gui cu Sinai Bung phlän ne hteh vai ah tün ne hteit ci gui. Khaw ng’mei cu Paran khaw kiang ung ng’düm ci.

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

ATÜNNAK 36:11

Eliphaza ah hta gui cu; Teman, Omara, Zepho, Katam la Keneza ah kyak ci.

SAM 113:4

Bawipa naw pakhui avan cu uk ci nei; abäimang nak cu khankho ah khan ah om ci nei.

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

1 GHANGPUGHANG GUI 11:18

Ngami cu Midian nawng shüt ne Paran ah hteit ci gui, acu ah chang amshah gui ana ng’dawn lawk ci gui. Ngami cu Egypt ah gawk u ne ghangpughang ah hteit u sei, ani naw Hadad am khaw ni, im ni, ei vai nei pek ci.

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.