HABAKKUK 3:2 - Cho Bible Common Language 2016

² O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

HABAKKUK 3:2 Referans Kwoze

SAM 85:6

Na k’thamah ba sak gui ä, keimi, na na chang gui naw kami ning m’taam khai nei.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

PHILIPPIAN 1:6

Cun ah kya sei nang mi ung bi ak ni tün ne bik ciah Khanpughi naw Bawi Khrit Jesuh ah kyum law nak vai ah hnüüp kä a gawk phaa ung, cun ah bi cu ng’pyi khai ah bik khai ah ka yum ci nei.

JEREMIAH 10:24

Bawipa, na chang gui ng’düng sak gui ä; Cun ung phi keimi ah khan ah kä nuipai aih sä, na m’lungshe yah ung kä na m’kyuk en gui ä, cun cu keimi ah ng’pyi nak ah kyak khai nei.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

JOHAN 10:10

M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.

SAM 44:1

O Khanpughi, Cau pui pui ak küikyang na bi lawh gui ah mawng cu kami pupa gui naw pyen u sei, kami hnga awn kami ng’yak ci nei:

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

SAM 38:1

O Bawipa, m’lung she ne kä na m’kyuk-en ä!

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

ROMAN 10:16

Cun ung phi Thu Ni cu chang van naw kä dou ci gui. Isaiah amät naw, “Bawipa, Keimi ah thu pyein cu a u naw yum ci ang!” cine pyein ci.

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”

HEBRU 12:21

Cun ah hmuh teng gui cu ang htei ah cäicat vai kya khätah, Moses naw, “Kei cu ng’khlet ne ka kyik ci nei,” cine pyein ci.

JOB 42:5

Acau nang ah mawng cu chang gui naw na m’thein tu u sei ka ng’ya tu man ci, tuhbäi läi ka mik awn ka ning hmuk ci nei.

SAM 71:20

Geinvai nak la yaica nak cu ka khan ah na tüi law ci, cun ung phi nang naw ka thagui na m’küm khai, ng’cim hmun ung ka, na na thup khai.

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

HABAKKUK 3:1

Shin cu prophet Habakkuk ah taigü ah kyak ci.

SAM 25:6

Na shüm ä, O Bawipa, Cau püi nam dang ah na chimgein nak la ng’täi ciah nam hni nak awn na shü ä.