HABAKKUK 3:10 - Cho Bible Common Language 2016

¹⁰ Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

HABAKKUK 3:10 Referans Kwoze

HEBRU 11:29

Israel chang gui naw tuisen tuinu, kho kawng ah hteh ah mäih ah ami kah cu yum nak awn ah kyak ci. Cun ung phi Egypt chang gui naw, ami ak kah vü tu sangung ngami cu tuinu naw hteh gui yawp ci.

SAM 93:3

O Bawipa, tuinu thuk gui cu tho ne ng’hüüt ci gui, ngami cu gaai ne ng’hmum ci gui nei.

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

ISAIAH 43:20

Ng’kiang ma ah tui long khai ah bi ne ka ghü ah chang gui am tui ka pek law ung; khisa gui naw kei cu na m’tam khai gui, sa ui gui la ngamzawk gui naw phi na m’tam khai gui.

JOSHUA 4:18

taigü gui tuikam ah ami gawk law kawn ah tuinu cu long ba ne tuikam avan plüm ba ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 16:12

Akchuk nak ah khankho chang naw a eikbei ungka cu Euphratis tuinu ah khan ah yuk huk khätah cun ah tuinu cu kawi ne ket sei, hnii law lam ah kaa ghangpughang gui ah law nak vai ah lam cu ng’hmawng lawk ci.

THU PHLAAN 6:14

Khankho mik cu ca k’chaw ah mäih ah ng’chaw ne maih ci. Mhtung küi la khawgui avan phi ami om nak ungka ng’nawn yawp ci gui.

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

SAM 65:13

Kho dou gui ung htome gui lum ne, güng nawi gui cu geit awn be ci. Apäng avan cu m’hlan ne ng’äi ne yei ci gui.

SAM 18:15

Bawipa, na gaa gui cu hawh gui ne, m’lungshe ne na m’ngawn gui ung tuinu ah ka ng’lei cu dang ne, m’dek ah khan cu ng’hmawng ci.

NEHEMIAH 9:11

Na chang gui ah phäh ah nang naw tuinu kan ne lam na pyang ci, cun kawn ah m’dek hu ung na hteh sak gui ci. Ngami k’täm law gui cicu tui thuuk ung lut ci gui, tuinu hnawk ung lung a hniim ah mäih ah kyak ci.

MATTHE 8:24

Tuilinu ung akten ah puikho khinu ng’pheet ne khi ne, hleiko cu tui ng’hnawk naw k’plüm lawk ci. Cun ung phi Bawipa Jesuh cu abü ah ip ci.

SAM 104:32

Ani naw m’dek yuk teng sei, m’dek cu thüng ci, khomhtung gui tawk sei mei ah khü ci.

SAM 148:7

Bawipa cu m’tam vä, m’dek ung ka naw tuinu-ganu gui la tuinu thuk avan naw;