HABAKKUK 2:8 - Cho Bible Common Language 2016

⁸ Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

HABAKKUK 2:8 Referans Kwoze

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

HABAKKUK 2:10

Cun ung phi nami katnak naw nami kyong ning thui ng’aa sak gui ci. Chang ah pakhui akda nami m’di nak awn nami mät ah khan ah shetkat nak nami law püi ci.

JEREMIAH 51:48

Asiip täng ah ka ani m’di khai ah lawk ciah chang gui ah kut ung Babilonia ang kyak awn ah khomdek khan la khan khomik ah om ci nü cu yeikyai ne m’lau khai gui nei.

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 51:24

Bawipa naw pyen ci, “Babilonia la achang gui naw Jerusalem ah khan ah ami bi ah akshe gui avan ah phäh ah kei naw ka pek ba gui cu nangmi naw nami hmuk khai.

JEREMIAH 51:13

Cun ah khopäng ung tuinu gui akda, khawn cham akda on ci, cun ung phi ani ah khin cu ng’pyi pyi ci, ani ah ghin nak cu pit pyi ci nei.

JEREMIAH 51:8

Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.

JEREMIAH 50:37

Ang se gui la a zatha gui vu m’di vä! Ami ng’vah ah gakap gui ung sih nak gawk sä. Ngami cu ami k’tha ken aih ci nei! Akhawh cham gui cu m’di vä; tuh ne gut vä.

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

ISAIAH 33:4

ng’yak ciah chang pakhui gui cu dawng ci gui nei. Ami khawh gui cu pha pe gui ne, ami guttep ah kyasei lak gui ci gui.

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

JEREMIAH 50:14

“Likap gui, Babilon la a pei yung hnungtuk vai ah pawng ge vä. Nami m’la avan awn Babilon cu kap vä, a i ah kyasei ci ung ani naw kei, Bawipa cu katnak bi ne na hnungtuk püi ci nei.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.

EZEKIEL 39:10

Ngami naw lo yung ah sing kä shui khai gui. Bung ah sing ghing kä chuk khai gui, a i ah kyasei ci ung ngami ung mei ah ami cih büh vai likhim ami nawng shüt gui om ci. Ngami naw ngami tu gui ne guttep gui cicu tu tuba ne guttep tuba khai gui.” Uktu Bawipa naw a pyen nei.

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

OBADIAH 1:15

“Kei, Bawipa naw pakhui avan ka m’khoicha nak vai ah a khin cu ng’et lawk ci nei. Edom, na bi gui phung cu nang ah khan ah bi ba vai nei. Na pek ah mäih ah na gah ba khai nei.

NG'THU K'THUUK~ 22:23

Bawipa naw ngami ah mawng ma cu pyen pe gui khai. Ngami m’kyihkyawk gui ciah ghin nak cu m’kyihkyawk khai.