HABAKKUK 2:6 - Cho Bible Common Language 2016

⁶ Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”

HABAKKUK 2:6 Referans Kwoze

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

JEREMIAH 50:13

Kie ah m’lungshe ah phäh ah Babilon ung a u kä om ba khai nei: cun cu m’di ne nawng khai gui, acun smn pah ci chang avan cu cat ne cäi khai gui nei.

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

KHEI NAK 23:7

Balaam naw shin ah cängbang nak cu ng’shäu ci: Moab ghangpughang Balak naw kei cu Siria khaw ak kyang lam khaw gui ungka naw na law püi ci. Ani naw, ‘Law ne kei ah phäh ah ng’thu ä’ ‘Israel chang gui plah tam gui ä,’ cik ci.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

HABAKKUK 1:15

Babilonian gui naw chang gui cu, nga ah mäih ah ngamkaih awn pha gui ci gui, Ngami naw ng’vai awn pha ne hlawp gui ne yei ci gui.

EZEKIEL 32:21

Dämduh ciah chang m’gäi gui la Egypt gui täng ah om ne ng’tuk ci gui naw, Egypt chang gui cu sih nak ah khaw ah ana dou gui ci gui. Ngami cu m’au u ne, “Khanpughi kaa ah om u sei ng’tuk nak ung ami ngawn gui cu, shin ung kyum lawk ci gui, shin ung ng’zän ci gui nei!”

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

NG'THU K'THUUK~ 22:16

Bühmang ci am m’cümhnah pe ne, kä cung bühmang vai ah dukhaih ci na yawshe nak ah a kyak ung, na mät cu na pyam lawk khai nei.

SAM 94:3

Changshe gui cu a i güt yeikyai khai gui ang? A i güt ang, Bawipa?

KHEI NAK 23:18

Cun ung Balaam naw shin ah ng’cängbang nak cu ng’shäu ci: “Law ä, Zippor ah hta ah hta Balak aw, Kei naw ka pyen law vai cu ngai ä.

ISAIAH 10:13

Assiria ghangpughang naw khähghah ne a pyen cu, “Shin gui avan cu ka mät naw ka ci nei. Kei cu ka gaigawng ci, ka cüivai ci, ka lunglang ci. Kei naw chang pakhui gui ah ng’lak ung khawgi gui cu phye ne, ami gim ah eiawk gui cu ka lak ci nei. A cun ung om ciah chang gui ah khan ah kei naw vantang ah mäih ah ka kai na gui ci nei.

HABAKKUK 2:12

Nangmi cu nami ng’yiin ci! Nami mang gaw cu cheishoh nak awn kümbe ci, ngawn sih nak awn nami co ci.

ISAIAH 5:8

Nami khaw mü ci nei! Nangmi naw nami mät ung om pyi ci nami m’khah nak vai ah im gui la lo gui nami hleih ci kä shou pha sei chang a hei gui ami om nak tu vai kä om law ba khai, nangmi nami mät bäng shin ah khaw ung nami om lank khai.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.