HABAKKUK 2:4 - Cho Bible Common Language 2016

⁴ Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

HABAKKUK 2:4 Referans Kwoze

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

SAM 49:18

A ghin yah ung abä m’cam ung phi ani cu näng nak om sei m’taam nak a gah ung phi,

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

EZEKIEL 18:9

Chang tumat cu kei ah thumkhan gui läk ne, kei ah thukhän gui geing na ne k’paang ciah a kyak ung; Ani cu ng’düng ci, ani cu ghing khai,” Uktu Bawipa naw a pyen nei.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.