HABAKKUK 2:10 - Cho Bible Common Language 2016

¹⁰ Cun ung phi nami katnak naw nami kyong ning thui ng’aa sak gui ci. Chang ah pakhui akda nami m’di nak awn nami mät ah khan ah shetkat nak nami law püi ci.

HABAKKUK 2:10 Referans Kwoze

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

2 GHANGPUGHANG GUI 9:26

‘Kei naw Naboth la a hta gui ami ngawn gui cu yanta ka hmuk ci nei. Kei naw a shin ah m’dek ung ka ning m’kyuk khai nei, ci nei shai ka tak ci.’ Cun ah kyasei Jehu naw yatha bawm ci am, “Joram ah pumsa cu la ne, Naboth ah khomdek ung yuk ghawt ä, cun ung Bawipa ah shaitak cu kümbe ciah kyak khai nei” cik ci.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

JEREMIAH 36:31

Kei naw nang, na htangshon gui la na bawi gui cu ka m’kyuk gui khai, a i ah kyasei ci ung cun cu nami van ch katnak ah phäh ah kyak ci. Nang la Jerusalem la Judah ung chang gui naw kei ah thukbäi cu a i ah kä nami sui ci gui. Cun ah kyasei nangmi ka ning m’kyin nak gui ah leigai cu nami van ah khan ah ka law püi khai.”

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

JEREMIAH 22:30

“Shin ah chang cu a hta nau kä om khai ah m’kyuk pyi nei, ani cu näng nak kä gah phung ciah kyak khai nei. David ah ng’shon m’täm ne Judah uk ba khai ah htangshon ani ung kä om khai nei. Kei, Bawipa naw ka pyen nei.”

ISAIAH 33:11

Nangmi naw akholä vai cu nami pawngpüi ci, nami bi phung cu akholä ah kyak ci. Kei ah ka mümcha cu mei ah mäih ah kya ne ning m’di gui khai.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

2 GHANGPUGHANG GUI 10:7

Jehu ah ca gah u neta, Samaria ung ng’vaihta gui naw ghangpughang Ahab ah htangshon chikip avan ngawn u ne, gang ung ami lu gui m’khäp u neta Jezreelaa ung Jehu am thak law ci gui.

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!

KHEI NAK 16:38

Cun gui cu Bawipa ah sonkiang ung pek ah kya ne, theingcim lawk ci gui. Cun ah kyasei ami katnak ah phäh ah sik ci gui ah ami mei khawk gui cu nami lak vai. Sonkiang küm nak vai ah khawk a läm hta gui ah sheh ne nami pyan vai. Cun ung Israel chang gui ah phäh ah ng’thu m’shi sho ah kyak ci.”

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

JEREMIAH 44:7

“Cun ah kyasei kei, Bawipa, Israel khanpughi naw tuhbäi ka ning shi gui ci, a i ah kyasei nangmi naw shin ah akshe gui cu nami mät naw nami bi ang. Hnumi gui, pami gui, ak hmaw gui la naesen guiah Khan ah dishum nad nami law püi hlü ne ma, cun ung nami chang gui a u kä pawih ba khai nei?