HABAKKUK 2:1 - Cho Bible Common Language 2016

¹ Kei cu ka nayi tänghän ung kai neta, Bawipa naw a i ng’thu ana m’thein law laka ng’shi nak ah khan ah a i ah ana m’shan law ah ka ngai khai.

HABAKKUK 2:1 Referans Kwoze

ISAIAH 21:8

Ngäng ci naw ng’khü ne, “Bawi aw, amü a hnüüp ng’düi ne ka ngäng ci nei,” a ci sang u ng.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.

2 SAMUEL 18:24

David cu mang gaw m’kawt akyong la ak pung ah ng’lak ung ngok ci. Gaw ngäng ciah chang cu, k’pang ah mawng ah hang kai ne, m’kawt k’cih nak khan ah ng’düi ci; ani naw chang tumat amät dawng law sei hmuk ci.

SAM 85:8

Bawipa Khanpughi ah ng’thu cu kei naw ka ngai ci nei; ani naw a chang gui, mikmi ah khan ah dim deeih nak shaitak ci nei, mi shetkat nak lam ah kä mi ng’hlat ba khai nei.

SAM 5:3

Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

2 KORIN 13:3

Bawi Khrit naw kei awn thu a pyein ah mawng nangmi naw nami ng’yak hlü cu, akcang ah nami gah khai nei. Nang mi awn a om nak ung, ani cu ak tha kä ken sei, a hlüngtai nak cu nangmi am ning m’dang gui ci nei.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

JOB 31:37

Kei naw ka bi gui ng’nü cu Khanpughi am ka m’thein khai nei. Ani ah ma ah kalu m’täu ne ka m’dang khai nei.

2 GHANGPUGHANG GUI 9:17

Jezreelaa tänghän ung gaw ngäng ci naw Jehu la a chang gui ami law cu hmu neta, “Ng’se ng’cum ciah chang gui ka hmuk ci nei!” cine m’lau ci. Joram naw, “Teihpüi ang, ga ang va hmat khai ah ng’se ung cun ciah chang tumat tüi ä” cik ci.

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci:

ISAIAH 21:5

Ka muimang ung müei cu ami pyan pyi ah kyak ci; khin gui ami ngoh nak vai ah phla-phak gui cu phah pyi ah kyak ci. Ngami cu ei awk ci gui. Ang ghit ah thukbäi gaw lawk ci, “Bawi gui aw! Nami shawi gui m’shei ge vä!”

JOB 31:35

Kei naw ka pyen gui cu a u naw kä ngai ma? Ng’thu pang cu akcang ah kya ciah kei ka ng’tam ci nei. M’gäi ciah Khanpughi naw na m’shang sä.

2 GHANGPUGHANG GUI 17:9

Israel gui naw ami Khanpughi Bawipa naw kä am hni gui cu bik ci gui. Ngami naw khongyo khawihnah nak ah hmun gui cu, pigaw ak yaw pi ungka naw mang gaw ang kawm pi ung khüt khai ah pigaw avan ung co ci gui.

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

EZEKIEL 3:17

Ani naw pyen ci, “Hnicim Chang kei naw nang cu Israel pakhui khaw na ngäng khai ah ka ning pyang ci nei kei naw ka ning pekah thuk bäi gui cu ngami am na pyen nak ba gui vai.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

ISAIAH 21:6

Cun kawn ah Bawipa naw ana pyen nak cu, “Hteit ne ngäng khai tumat na tha vai, a hmuh phung a pyen law ba vai ah na m’thein vai.

EZEKIEL 33:7

“Tuhbäi hnicim chang, kei naw nang cu Israel pakhui ah gawkngäng ah ka ning pyang ci nei. Kei naw ka ning pek ah thukbäi gui cu nang naw na pek tuba gui vai.