HABAKKUK 1:9 - Cho Bible Common Language 2016

⁹ “Ngami ah gakap gui cu kyih vai ah näng nak awn ma law u sei, chang van naw kyih gui khai nei. Ami pha ah chang gui cu laigin chü lawk khai gui.

HABAKKUK 1:9 Referans Kwoze

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

EZEKIEL 19:12

Cun ung phi m’lungshe ciah kut gui naw angzung ah mawi u ne, m’dek ung ghawt ci gui. Kiang khokhi naw am theih gui cu chawng sak ci. Angban gui gui cu hnget yawp ci; Cun gui cu chawng u sei, mei Awn m’khih ci gui.

EZEKIEL 17:10

Cun cu ng’lin ah kyak ci, cun ung phi ne däm khai ang? Kiang khokhi naw akhi law ung ng’yai khai ah kä kya ne ang? Amät ah däm law nak ah hmun ung ng’yai khai ah kä kya ne ang?

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 27:8

Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.

SAM 139:18

Cun cu khei vai sü ung lai gin na ta da pi khai kyak ci nei. Kei ka thawh law ung nang awn atäng ah ka om ci nei.

JOB 29:18

Kei cu angtäi sei ak shou ghin vai ah yum ne im ung m’lung üp sei sih vai.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

ATÜNNAK 41:49

Htang a m’cuun m’seh cu tuinu kem ah laigin ah mäih ah da aih sei, Joseph naw kä khei ba ling ci.

2 GHANGPUGHANG GUI 12:17

Cun yah ung Siria ghangpughang Hazela naw Kath mang gaw cu tu ne khäm ci; cun kawn ah Jerusalem phi tuk khai ah k’bäi ci.

DANIEL 11:17

Siria ghangpughang naw a gakap avan phook ne ng’tuk vai ah pawng khai. Cun kawn ah aga ah uktu khaw a shum nak vai ah, ani naw aga am a hta hnumi chu na sak ne ng’khawt sheng nak bik khai, cun ung phi ani ah pawng püi cu kä näng khai.

HABAKKUK 1:17

Ngami naw ami khim kawt lä ne, chang ah hta avan cu kä m’gein ne m’di lä khai gui ma?