HABAKKUK 1:8 - Cho Bible Common Language 2016

⁸ “Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.

HABAKKUK 1:8 Referans Kwoze

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

EZEKIEL 17:3

Kei, uktu Bawipa naw a i ka pyen nak gui cu hmat sak gui ä: Hnü ät ung angphia däm ne ng’shawng ne a mu gui kyom ciah zongzung khanu om ci. Ani cu Lebanon khomhtung ah zong neta, cedar-sing ah am dawng cu tüp ne

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

LUKA 17:37

Ang düihpüi gui naw, “Bawipa, cun gui cu, a hawn ah kho ung kia lawk khai ang?” cine ng’shi u khätah; Bawipa Jesuh naw, “Aksi gui ah om nak ah langta gui ng’bum lawk khai gui nei” cine m’thein gui ci.

MATTHE 24:28

“Chang si gui ah om nak ah langta gui ng’bum khai gui nei.

EZEKIEL 17:12

“shinah küknet ci gui cu ng’shi gui vä, m’tumtäng nak ah mawng cu hmat u ne ang? Babilonia ghangpughang cu Jerusalem ah law ne ghangpughang la a bawi gui cu Babilonia ah hteh püi gui ci nei, Ci ne m’thein gui vä.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

JOB 9:26

Ka ghin kho hnüüp gui cu gai pi bäih ciah htinpaw ah mäih la, m’hmu naw vi a lawh law ung a yawng phäi law ah mäih ah dawng ci.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

JEREMIAH 48:40

Pakhui tumat naw angphia k’phiaat ciah hmu kiung ah mäih ah Moab cu m’tawn lawk khai nei, cine Bawipa naw shaitak ci nei,

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

EZEKIEL 26:11

Ng’se cuum ciah ami chang gui naw nami lam gui kan u ne, ami khimsem awn nami chang gui cu ngawn khai gui. Bä ciah nami lungtung gui cu m’dek ung kiuk khai gui.

NAHUM 2:5

Ami bawi gui cu ng’hawh shaak u ne, Ma lam ah ng’phäi ne ng’vawn ci gui. Ng’tuk bik ci gui naw k’pang phye u ne, Shawi k’hleek ne ana ang tu vük ci gui.