HABAKKUK 1:6 - Cho Bible Common Language 2016

⁶ Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

HABAKKUK 1:6 Referans Kwoze

2 GHANGPUGHANG GUI 24:2

Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

JEREMIAH 5:15

Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

ISAIAH 23:13

(Tire gawnu khisa gui naw ami lum nak vaiah ci kci cu Assirian gui ah kä kyak ci, Babilonian gui nei. Khoainaktänghän co u ne, Tire mang gaw pang gui phye ne, mang gaw m’di ne hteh tak ci gui cu Babilonian gui nei.)

JEREMIAH 21:4

Cun cu Israel khanpughi ah ng’thu Zedekiah am m’thein vai ah kyak ci, ani naw pyen ci, “Zedekiah, Babilonia ghangpughang la a gakap gui hnungtuk ne ng’tuk ci gui ah na gakap gui cu kei naw ka hnim lawk khai nei. Na gakap gui ah likhim gui cu mang gaw ah ng’lung ung ka k’bum khai nei.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JEREMIAH 4:6

Zion täng ah mang vä! Phyawn vai ah dawng vä! Kä shokshü en vä! Bawipa naw leigai law püi ci nei, a siiptäng ah ka m’dishum nak akdäm gawk lawk ci nei.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

2 SHONTÄP NAK 36:6

Babilonia Ghangpughang Nebukhadnezzar naw Judah cu tu ne, Jehoiakim pha ne, m’si gui awn khit ne Babilonia ah hteh püi ci.

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 13:20

Jerusalem, teng ä! Na ga gui cu a siiptäng ah ka lawk ci gui nei! Na teng khen vai ah ning ap ah chang gui, nang naw na khäh ghah nak ah chang gui cu a hawi ang?

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

EZEKIEL 16:40

“Ngami naw Chang bum cu m’tholet u sei, lung awn ning vawi u ne, ami khimsem awn ning tu pit pit khai gui.

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

EZEKIEL 28:7

Kei naw m’gein nak kä om ciah chang gui cu ning tuk khai gui ah ka law püi gui khai. Na m’khüt nak la na cüivai nak awn na m’cun ah akiom gui avan cu ngami naw m’di khai gui.

EZEKIEL 31:12

M’gein nak kä om ciah khohei chang gui naw chu pit ne nawng shüt khai gui. Acun ah ang ban gui la hnget ciah ang ban gui cu, cun ah khopäng ung khomhtung päng, khongnawi päng ung kya lawk khai gui. Chang pakhui avan cun ah hnim ka ah om ci gui cu a hei ah dawng khai gui.

2 GHANGPUGHANG GUI 24:1

Jehoiakim ghangpughang ah a kyak yah ung Babilonia ghangpughang Nebukhadnezzar naw Judah cu tu ne khokum thum ung hnim ne uk ci, cun ung phi akum thum ung ani naw hnungtuk püi ci.

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.

JOEL 2:3

Ngami naw a ghing gui cu mei ah mäih ah ei ci gui. Ami ma ah kho hmun cu Eden dum ah mäih ah kyak ci. Cun ung phi ami hnu lam cu khaw ng’gau ah kyak ci. A i phi ngami naw kä phyawn ci gui.