HABAKKUK 1:5 - Cho Bible Common Language 2016

⁵ Bawipa naw a chang gui am, “Nami pei ng’leng ah pakhui gui cu teng vä, Nami hmuh gui ung nami cäi khai nei. Nangmi naw nami ng’yak ung kä nami yum hlawt vai cu kei naw ka bi lawk khai nei.

HABAKKUK 1:5 Referans Kwoze

NG’ÄI KYAH 4:12

A u naw phi, a hawi ah phi, a khohei khaw uktu gui naw phi, Jerusalem ah m’kawt cu a u naw atuk law ung phi, kä lut law hlawt khai ciah yum ci gui.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

ISAIAH 29:9

Anglaam ne om vä! Nami mik m’dauh sei om vä! Zu kä awk en ah awktat vä! M’hteei ät phi kä aw ne ng’täng shüi shüi vä!

ZEPHANIAH 1:2

Bawipa naw, “Khomdek khan ung hang om ci avan cu ka m’di khai nei,

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.