HABAKKUK 1:4 - Cho Bible Common Language 2016

⁴ Thukhän cu ng’yom ci, a i ah kä mawng ci, taga ciah m’khoicha nak kä om ci, changshe gui naw changnigui ah ni nak cu la u sei, taga nak cu ng’lat yawp ci.

HABAKKUK 1:4 Referans Kwoze

SAM 119:126

Bawipa, na hnün thawh nak vai akhin gawk lawk cine, A i ah kyasei ci ung chang gui naw na thukhän kä läk ci gui nei.

JOB 21:7

A i ah kyasei Khanpughi naw changshe gui ghin sak gui ne ghi ne ng’mang ne om sak gui ang?

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

HOSEA 10:4

A kholä ah ng’thu u ne, kä hman ciah shaitak u ne, kä mangca phyak khai ah ami om gui, taga nak cu kä taga nak ah kya law ne loma ah m’gui man ah ng’shun a däm law ah mäih ah kyak ci.

ISAIAH 5:20

Nami khaw mü ci nei! Nangmi naw akshe cu akni, akni cu akshe ah nami khü ci. Nangmi naw a hmüp cu akdei, akdei cu a hmüp ah nami m’hlat ci. Nangmi naw akha cu ak tui ah pyang u ne, aktui cu akha ah nami pyang ci.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

PHYAWN NAK 23:6

“Dukhaih ciah chang yung ah a gawk law ah a kyak ung, kä taga ciah kä na ng’thumcha en vai.

PHYAWN NAK 23:2

Katnak bi u ne, taga nak k’phleng ne ami saksi law ung chang ah da nak täng düt ah kä na läk tu vai.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

LAMKTU 7:59

Cun ah lung awn ami vawih yah ung Stephen cu, “Oh Jesuh Bawipa kamumcha na yuk la peä” cine taigü ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

MAKUH 7:9

Cun kawn ah mä Bawipa Jesuh naw, “Nangmi naw nami mät ah m’theithang nami läk hlawt vai ah Khanpughi ah thukhän cu, k’phiui hnawk ne nami theileh aih ci nei.

SAM 94:3

Changshe gui cu a i güt yeikyai khai gui ang? A i güt ang, Bawipa?

SAM 59:4

O Bawipa, kei ah hmawk ah kä kyak ciah ngami cu tawt ne pawng ci gui nei.

SAM 59:2

Changshe gui ah kut ung na k’phiawn ne; chang ngawn ci gui ah kut ungka na gung ä!

AMOS 5:7

Nangmi cu nami ng’yiin ci, taga nak cu nami k’phiui ci, chang gui ah ami chaw cu nami m’hleei ci.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

SAM 11:3

Aphung ang yung a shet ah a kyak ung changni gui naw ami bi hning vai kä om khai nei.”

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

ISAIAH 59:12

“Bawipa nan ning hnung’tuk püi ne kami katnak cu da lawk ci nei. Kami katnak naw na k’bünphei gui ci nei, kei mi naw cun gui avan kami hmat ci nei.

JEREMIAH 8:7

Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.