HABAKKUK 1:16 - Cho Bible Common Language 2016

¹⁶ Ngami naw ami ng’vai cu khawihnah u ne, vawihpeh ci gui, a i ah kyasei ci ung a cun naw akni pi apäng a gah sak gui ah hmawk ah kyak ci.

HABAKKUK 1:16 Referans Kwoze

HABAKKUK 1:11

Ngami cu khokhi ah mäih ah maih ne ng’kawn ci gui. Ami mät ah huham cu ami Khanpughi ah kyak ci nei.”

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

SAM 22:29

M’gäi ciah chang gui avan cu ama ah kawp khai gui; Chang neng gui avan cu ak ka ah ng’bawlawk khai gui.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.