HABAKKUK 1:15 - Cho Bible Common Language 2016

¹⁵ Babilonian gui naw chang gui cu, nga ah mäih ah ngamkaih awn pha gui ci gui, Ngami naw ng’vai awn pha ne hlawp gui ne yei ci gui.

HABAKKUK 1:15 Referans Kwoze

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

SAM 10:9

ani cu phongkawng ah mäih ah ang’thup nak ung om ne ng’däät ci. Ani naw dukhaih cicu ngäng ne m’hleei ci. Dukhaih cicu ani naw, a cun ung pha ne hteh püi ci.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

MATTHE 17:27

Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

EZEKIEL 26:2

Ani naw pyen ci, “Hnicim chang, “Shin cu Tire mang gaw ung chang gui naw yei ne ami m’lau ah kyak ci. Ngami cu m’lau u ne, “Jerusalem cu ng’phye pyi ci nei! Ani ah sumlei nak a huham cu ng’pyi ci nei! Ani cu keimi ah ng’längna püi vai ah kä kya ba ci nei!

EZEKIEL 25:6

Shin cu uktu Bawipa naw a pyen nei; nangmi cu nami m’ya phyawk ne yei ne nami ng’htaw tlam ci. Nangmi naw Israel khaw cu nami päipih ci.

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

ISAIAH 19:8

Nile tuinu ung nga shui ne a hnun m’ghin ciah chang nü cu ngüük ne kyap khai gui; ami nga m’kaih la ami ng’vai gui cu groan akholä ah kyak khai.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

HABAKKUK 1:14

Uk ne m’htei khai kä om ciah nga la m’kyiit hlom ah mäih ah kyak ciah chang gui cu a i cha ah na m’htei gui khai ang?

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.