HABAKKUK 1:10 - Cho Bible Common Language 2016

¹⁰ Ngami naw ghangpughang täitawk u ne, bawi ng’vai gui phi gaih tuk khai gui. Ngami cu a i gawnu naw phi kä k’büüp gui hlawt khai — ngami naw khomdek kai nak vai ah piang ne khäm khai gui.

HABAKKUK 1:10 Referans Kwoze

2 SHONTÄP NAK 36:6

Babilonia Ghangpughang Nebukhadnezzar naw Judah cu tu ne, Jehoiakim pha ne, m’si gui awn khit ne Babilonia ah hteh püi ci.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

ISAIAH 14:16

“Aksi gui naw cäi ne ning teng khai gui. Ngami naw ng’shik khai gui, shin ah chang cu khomdek thüng ne, uknak khaw gui thüng sak ciah kä kya ne ang?

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

JEREMIAH 33:4

Kei, Bawipa, Israel khanpughi naw ka pyen ci, Jerusalem ung im gui la Judah ung bawi mang im cu khai ne ami tuk ah phäh ah sheka yawp khai

2 GHANGPUGHANG GUI 24:12

Ghangpughang Jehoiachin, anu, a hta gui, a bawi gui la mang im ung bawi gui ami van cu Babilonian gui ah ka ah ng’dawkphah ci gui. A uknak a kum cheit nak ung Nebukhadnezzar naw Jehoiachin cu thawng ung chum ci,

ISAIAH 10:9

Kei naw Kalno la Karchemish mang gaw gui, Hamath la Arpad mang gaw gui, ka näng ci nei. Kei naw Samaria la Damaskas cu ka näng ci nei.

ISAIAH 37:13

Hamath, Arpad, Sepharvaim, Hena la Ivvah mang gaw gui ah ami ghangpughang gui cu a hawi ang?” ciah kyak ci.

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

EZEKIEL 26:8

Khonglung ah om ciah gawnu gui ung om ci gui cu ng’tuk nak ung ngawn gui khai gui. Ga gui naw m’vam co u ne, m’dekkhui co u ne khäng ciah shawi paang gui kawt ne ning tuk khai gui.

ZEPHANIAH 1:8

Bawipa naw, “Cun ah ngawn sheh hnüüp ung bawi gui, ghangpughang ah hta gui la chang khui hei ah thungyo läk ci gui cu ka m’kyuk gui khai.

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.