EZRA 9:7 - Cho Bible Common Language 2016

⁷ Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

EZRA 9:7 Referans Kwoze

2 SHONTÄP NAK 29:6

Mi pupa gui cu mi pa Khanpughi Bawipa ung kä be khüt u ne, ani naw kä a yeinak vai ah bii bik ci gui. Ngami naw ani cu nawng u ne, a om nak ah hmun cu hnu nak ci gui.

NG’ÄI KYAH 5:7

Mi pupa gui cu sheka ci gui, cun ung phi tubäi ngami hteit pyi ci gui. Ngami ah katnak ah hmawk ah mikmi mi yaica ci.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SHONTÄP NAK 30:7

Ami Khanpughi, Bawipa ung kä bekhüt ciah nami pupa gui la nami Israel chang paw gui ah mäih ah kä nami kyak vai. Nami hmuh ah mäih ah ngami cu ani naw aknui ah m’kyuk gui ci.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

KHEI NAK 32:14

Tuhbäi nangmi cu nami pa gui ah hnün ung nami ngaw ba ci, kak ciah chang ah ng’shon thai ah kya u ne, Israel gui ah khan ah Bawipa ah m’lung she nak pi, nami la pyi ci nei.

1 GHANGPUGHANG GUI 8:47

na chang gui ah taigü cu ngaih pe gui ä. Cun ah khaw ah ngami cu ng’yuu ba u ne, nang ah ami taigü law ung, a i hlawk ah ami kat ah mawng, akshe ami bi ah mawng cu ami ng’kiaa law ung, O Bawipa, ami taigü cu ng’yak pe gui ä.

EZRA 9:13

Apäng päng cu kami khan ah kya law ne, kami katnak la cheishoh nak ah khan ah m’kyuk nak om sei phi, Kami Khanpughi naw kami katnak ah ta ng’neim tuba khai ah na m’kyuk gui ci nei ci la ghing ne om vai ah ana om sak gui cu, kami hmat ci nei.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

2 SHONTÄP NAK 34:24

Bawipa ah ng’thu cu ami pek vai ah pyen ah gui ci: “Kei naw Jerusalem la a chang gui avan cu, ghangpughang ah ma ah ami phat ah shin ah ca-uk ung ami guk awn ka plah tam nak awn ka m’kyuk gui khai nei.

ISAIAH 64:4

Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

JEREMIAH 44:9

Nami pupa gui Judah ghangpughang gui la ami chu gui nang mi la nami chu gui naw Judah gaw nu gui la Jerusalem lam gui ung akshe ami bi gui avan cu nami m’hnih u ne ma?

EZEKIEL 11:9

Kei naw nangmi cu mang gaw akpung ah ning hteh püi gui ne, akho hei chang gui am ka ning ap gui khai. Kei naw sih nak ka ning pe gui khai,

EZEKIEL 39:23

Israel gui omktu ah ami hteh cu kei na hnungtuk ne katnak ami bi ah phäh ah kyak ci, cicu chang pakhui gui naw hmat khai gui. Kei naw ngami cu ka ng’hlah ta gui ci, ami ga gui am hnim sak gui ne ng’tuk nak ung ka ngawn sak gui ci.