EZRA 9:4 - Cho Bible Common Language 2016

⁴ Kei cu acun ung mühun täng ah khawihnah nak douthak vai ung khüt sei thüi ne ka ngok ci. Chang gui naw tün ne ng’bum ne nak koi ci gui — chang gui ami van kyik ci gui. A i ah kyasei ci ung omktu khaw ah ka law ba ci gui ah katnak ah mawng Israel Khanpughi naw a pyen ah phäh ah kyak ci.

EZRA 9:4 Referans Kwoze

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

PHYAWN NAK 29:39

Htome tumat awn khaw ngawi ah hnü ät, tumat awn mühun ah hnü ät khawihnah vai.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

EZRA 10:9

Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

DANIEL 10:2

Cun yah ung kei cu hnüüp m’ku lei ät ka thüikyap ci.

PHYAWN NAK 29:41

A hnih nak ah htome awn mühun täng ah khawihnah ne, khaw ngawi lam ah kaa ah mäih ah htang den ni, olive situi ni la sapyit tui ni awn khawihnah vai. Shin cu kei, Bawipa am ei vai ami na douthak ah kyak ci. Cun naw kei cu na yeikyai sak ci.

KHEI NAK 25:6

Israel chang tumat naw Midianit hnumi cu Moses la chang bum gui ah hmuh ah a shaum ah kyong ah luh püi ci. Cun yah ung ngami cu Bawipa ah om nak ah Phung valuh nak ung ami thüikyah sang ah kyak ci.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.