EZRA 9:2 - Cho Bible Common Language 2016

² Jew chang gui cu akhohei chang hnumi gui awn ng’chungla ci gui. Cun ah kya ne Khanpughi ah theingcim ciah a chang gui cu sheka lawk ci gui. Ang vai gui la bawi gui cu khawngmang ciah ng’vaipi ah kyak ci gui.

EZRA 9:2 Referans Kwoze

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

EZRA 10:2

Cun kawn ah Elam pahta, Jehiela ah hta Shekaniah naw Ezra am, “Mikmi naw akhawhei hnumi gui awn ng’chungla ne, Khanpughi yum nak cu mi m’shet ci nei, Cun pang ung phi Israel gui ah phäh ah ngaih u vai om ba ci nei.

1 KORIN 7:14

Kä yum tuk ciah a cei cu yum ciah ak chu awn ani ng’khap ah hmawk ah, ani cu Khanpughi naw dou ci, kä yum tuk ciah ak chu cun phi yum ciah a cei awn ani ng’khap ah hmawk ah ani cu Khanpughi naw dou ci. Cun ah kä a kyak ung cun ah chang gui ah ami hta gui cu khoshe ah hta ah kyak khai gui. Cun ung phi cun ah hta gui cu Khanpughi naw yei ne a dou gui ah kyak ci gui.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

MALAKHI 2:11

Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

PHYAWN NAK 22:31

“Nangmi cu ka chang ah nami kyak ci, cun ah kyasei sa lawh ah a meh cu kä nami ei vai. Ui am nami vuh vai.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

2 KORIN 6:14

Kä yum ci gui awn a täng täng ah kä nami hnün thawh vai, atäng ah om ih vai ah kä kyak ci. Ak ni la ak ka cu kä ng’gui ng’pha hlawt khai goi. Akdei la ak hnüp cu a täng ah kä om hlawt khai goi.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 13:17

Kei naw Jew chang vai gui k’ceet ne ka pyen nak gui cu, “Nami bi ah akshe gui cu teng vä! Nangmi naw kyiin hnüüp cu kä nami theingcim sak ci.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

EZRA 9:12

Ngami naw ami na m’thein gui cu, shin ah khaw cu yeikyai sak u ne, hta nau gui am phi ngawi yä kami pek gui hning vai ah khuihei chang gui awn kä kami chungla vai, ami bämang m’khüt näng nak vai, kä kami bawm gui vai ah kyak ci.

EZRA 9:14

Cun kawn ah a i hawkcha ah na thumkhän cu, kami hnu nak ba mä vai ang? A i hawkcha ah shin ah chang omshe gui awn kami ng’chungla vai ang? Cun ah kami kyak ba ung, nang cu ang htei ah m’lungshe neta, na na m’di gui yawp khai nei, a u phi kä na k’pawih nak khai nei.

TAIGÜTHUM 21:15

Kä cun ung theingthap khai ah a hta nau gui cu kä theingthap ciah kya lawk khai gui. Kei cu Bawipa ah kya ne, kei naw ani cu khei ne taigütung ah ka m’düih ci.”

JOSHUA 22:15

Ngami cu Kilead khaw Reuben, Kad la Akyang täng Manaseeh chang gui ah law u neta,

1 GHANGPUGHANG GUI 11:1

Solomon naw a khawhei chang hnumi gui akda m’hni gui ci. Ani naw Egypt ghangpughang ah hta hnumi bäng ah kä kyak ciah Hittite hnumi gui la Moab ah ka, Ammon, Edom la Sidon ah ka hnumi gui phi chu na gui ci.