EZRA 9:12 - Cho Bible Common Language 2016

¹² Ngami naw ami na m’thein gui cu, shin ah khaw cu yeikyai sak u ne, hta nau gui am phi ngawi yä kami pek gui hning vai ah khuihei chang gui awn kä kami chungla vai, ami bämang m’khüt näng nak vai, kä kami bawm gui vai ah kyak ci.

EZRA 9:12 Referans Kwoze

THULÄÄN NAK 7:3

Ngami awn kä nami ng’chungla en vai, nami htanau gui phi ngami awn kä ami ng’chungla en vai.

THULÄÄN NAK 23:6

Nangmi pakhui ah kya ne nami om ah chuih, shin ah pakhui gui cu api ah phi kä nami m’hteihtang en gui vai, bühmang khai gui ah kä nami bi en vai.

NG'THU K'THUUK~ 13:22

Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.

ISAIAH 1:19

Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

EZRA 9:2

Jew chang gui cu akhohei chang hnumi gui awn ng’chungla ci gui. Cun ah kya ne Khanpughi ah theingcim ciah a chang gui cu sheka lawk ci gui. Ang vai gui la bawi gui cu khawngmang ciah ng’vaipi ah kyak ci gui.

PHYAWN NAK 23:32

Ngami awn phi kia, ami khanpughi awn phi kia, kä nami m’lung ngaih ät en vai.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

THULÄÄN NAK 23:7

“Edomit chang gui kä nami päipih gui vai, ngami cu nami mätyah ah kyak ci gui. Egypt chang gui kä nami päipih gui vai; nangmi cu ngami ah khaw ung nami om tu man ci.

1 SHONTÄP NAK 28:8

Cun ah kyasei tuhbäi ka chang gui aw, mi Khanpughi ah ma ah Bawipa ah chang gui Israel gui ami van ah ma ah, ka ning bi sak gui cu, Bawipa mi Khanpughi naw ana thumkhän gui phung geing na ne mi läk khai nei, cun ung nangmi naw shin ah khaw k’ni cu k’täi ne nami ka nak khai, ngawi ah nami htangshon am phi nami pek khai” cik ci.