EZRA 9:11 - Cho Bible Common Language 2016

¹¹ Cun cu na changshäm prophet gui ung na na pek gui ah kyak ci, keimi maw kami khäm law vai ah khaw cu kä theingthap ciah khaw ah ngami mi naw na m’thein gui ci gui nei, a i ah kya sedi ci ung cun ung om ciah chang gui naw, vang ungka vcang ah khüt khai ah shekat hnün thawh nak awn ami be sak nei.

EZRA 9:11 Referans Kwoze

EZRA 6:21

Khawihnah nak cu omktu khaw ah ka law ba ciah Israel chang gui ami van naw ei ci gui. Cun kawn ah acun ah khaw ung om ci gui ah khoshe khawihnah nak m’lungsi ne law ba ne, Israel Khanpughi Bawipa khawihnah ci gui ami van naw ei ci gui.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

2 SHONTÄP NAK 33:2

Cun ah kho ung ak chang gui ami kai law yah ung Bawipa naw ak täm gui ah chang pakhui gui ah shemshai ciah bilawh cu läk ne Manasseh naw Bawipa kat na ne hnungtuk püi ci.

THULÄÄN NAK 18:12

Shin ah shemshai ci bik ciah chang gui cu, Bawipa nami Khanpughi naw thüi nak ci. Cun ah kyasei nangmi nami gawk nak ah khaw ungka shin ah pakhui gui cu ani naw aktäm gui ah kyak ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

EZRA 9:10

“Cun ung phi tuhbäi O Khanpughi, shin gui avan a kyak ei kawn ah keimi ai kami pyen hning khai aw, Nnang ah thumkhän cu kä kami ngai ba mä ci nei.

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.