EZRA 9:1 - Cho Bible Common Language 2016

¹ Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

EZRA 9:1 Referans Kwoze

PHYAWN NAK 33:16

Keimi awn a täng ah kä na hteh ah a kyak ung, na chang gui na yei nak ah mawng la kei na na yei nak ah mawng, a i cha ah a u naw hmat khai aw? Keimi ung na om ah mawng naw m’dek khan ung chang hei gui awn na ng’lakmah sak gui khai nei.

JEREMIAH 26:16

Cun kawn ah angvai gui la chang gui naw taigü gui la prophet gui ami pyen nak gui cu, “Ani naw Bawipa mi khanpughi ah min gung mi khan ah ng’thu pyen ci; ani cu ngawn vai ah kä kyak ci.”

JEREMIAH 26:10

Cun ah a kyak gui cu Judah ami ng’vai gui naw ng’ya u neta, ang ghit ah bawi mang ah im ungka Taigüim ah law u ne, m’kawt Thai Hmun ung ng’bum ci gui.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

NEHEMIAH 4:3

Tobiah naw a pei ah ang düih neta naw pyen ba mä ne, “Ngami naw a i ah mäih mang paang cu co khai gui ang? Ngami ah cawh läi cu saui naw phi mük hlit khai nei.

EZRA 10:8

Cun cu chang gui ah ami ng’vai gui ah thukbäi awn ah kyak ci. Chang tumat mat cu hnüüp thum ah kyong ung kä a law tu ah a kyak ung, akhawh avan lak pek vai. Chang bum ung a om tu nak hning cu shum khai.

2 SHONTÄP NAK 33:2

Cun ah kho ung ak chang gui ami kai law yah ung Bawipa naw ak täm gui ah chang pakhui gui ah shemshai ciah bilawh cu läk ne Manasseh naw Bawipa kat na ne hnungtuk püi ci.

1 GHANGPUGHANG GUI 11:1

Solomon naw a khawhei chang hnumi gui akda m’hni gui ci. Ani naw Egypt ghangpughang ah hta hnumi bäng ah kä kyak ciah Hittite hnumi gui la Moab ah ka, Ammon, Edom la Sidon ah ka hnumi gui phi chu na gui ci.

THULÄÄN NAK 18:9

“Nangmi cu Bawipa nami Khanpughi ah ning pek gui ah khaw ung nami luh law ah a kyak ung acu ah om ciah pakhui gui ah shemshai ciah bilawh cu kä nami läk en tu vai.

KHEI NAK 23:9

Khenglung a hlüng gui ung kei naw ka hmu gui hning ci, Khaw-gui ak tai gui ung kei naw ka ngäng gui hning ci. Ngami cu amät om ciah pakhui ah kyak ci gui. Ahei pakhui gui ah däm pi sei hriham ami gah cu ngami naw hmat ci gui.

TAIGÜTHUM 18:3

Ayan ä nami om nak tuman ah Egypt chang gui ah om ih cu kä nami läk tu vai, kei naw tuhbäi ka ning hteh püi nak gui ah Kanaan khaw ah chang gui ah om ih phi kä nami läk vai.

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

PHYAWN NAK 13:5

Bawipa naw nami pupa gui am aktung ah shai a tak cu, Kanaanit gui, Hittit gui, Amorit gui, Hivit gui la Jebusit gui ah khaw cu a ning pek gui ah kyak ci. Ani naw bämang ne ng’lei nik ciah khaw ah a ning hteh püi ba gui ung, akum tä, a htük bäih ah cha ung nami bi vai.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

NEHEMIAH 4:7

Sanballat, Tobiah la Arabia, Ammon, Ashdod chang gui naw Jerusalem paang bä law pi pi khai ah kami cawh ba la paang ung ak pawk gui kami m’ghu ba gui cu ng’ya u neta anghtei ah m’lungshe ci gui.

NEHEMIAH 13:23

A cun ah khin ung Jew chang gui akda naw Ashdod, Ammon, la Moab ung hnumi gui cu chu na u sei ka hmuk ci nei.

MALAKHI 2:11

Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.

KHEI NAK 25:6

Israel chang tumat naw Midianit hnumi cu Moses la chang bum gui ah hmuh ah a shaum ah kyong ah luh püi ci. Cun yah ung ngami cu Bawipa ah om nak ah Phung valuh nak ung ami thüikyah sang ah kyak ci.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

THULÄÄN NAK 23:8

Ang shon thum ung tün ne ngami ah hta ng’shon gui cu, Bawipa ah chang ah kya khai gui.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

2 SHONTÄP NAK 8:7

Israel gui naw khaw avan ami kaa nak ba sang ung kä ami ngawn gui ah Kanaan chang gui ah ami htangshon gui ami van cu Solomon naw ghüh ne bi sak gui ci. Cun gui cu Hittit gui, Amorit gui, Perizzit gui, Hivit gui la Jebusit gui ah kyak ci, ngami ah htangshon gui cu tuhbäi khüt sei khlei-htein ah kyak ci gui.

EZRA 10:2

Cun kawn ah Elam pahta, Jehiela ah hta Shekaniah naw Ezra am, “Mikmi naw akhawhei hnumi gui awn ng’chungla ne, Khanpughi yum nak cu mi m’shet ci nei, Cun pang ung phi Israel gui ah phäh ah ngaih u vai om ba ci nei.