EZRA 8:1 - Cho Bible Common Language 2016

¹ Shin gui cu Babilonia ah omtu ah kya ne om tu te ci gui ghangpughang Artaxerxes ah uk yah ung Ezra awn atäng ah Jerusalem ah law ba ci gui ah pahta gui ah ami ng’vai gui ah kyak ci.

EZRA 8:1 Referans Kwoze

EZRA 7:13

Kei naw ka thukhän cu ka uknak khaw ung Israel chang avan Taigü gui, Levit gui la hteit ba hlük ci avan cu nang awn atäng ah Jerusalem ah hteit ba u sä.

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

2 SHONTÄP NAK 26:12

Gakap gui cu gabawi 2,600 naw matawn ci gui.

1 SHONTÄP NAK 26:32

David ghangpughang naw Jeriah ah mätyah gui ungka kyongkhui ung ng’vai ci gui phia m’ku lei chih cu ghü gui neta, Jordan Tuinu ah a kiangtäng Reuben, Kad la East Manasseh ung zumnak avan uknak la pigaw mawngma uknak ung bi sak gui ci.

1 SHONTÄP NAK 24:31

Ami kyong khui ung ami ng’vai phäh phäh la ami nau ak hmaw ba ungka tumat mat naw ami bilawh vai cu m’shiüh tawk ci gui, cun cu ami mätyah gui, Aaron ungka ng’shen ci gui tai ah bi ah mäih ah kyak ci. Ghangpughang David, Zadok, Ahimelek la ami kyong chang ng’vaihta ciah taigü gui la Levit gui cu saksi ah kyak ci gui.

1 SHONTÄP NAK 9:34

Akhan ung ami ng’ming om ciah chang gui cu Levit kyong ung ami pupa ng’shon ah ciah ami ng’vaihta gui ah kyak ci. Ngami cu Jerusalem ung om ci gui ah ami ng’vai gui ah kyak ci gui.

1 SHONTÄP NAK 9:1

Israel chang gui avan cu ami mät ah kyongkhui aläk ah khei gui ah kyak ci. Shin ah a mawng gui cu Israel ghangpughang gui ah mawng ca-uk ung guk ah kyak ci. Judah chang gui cu ami katnak ami m’kyuk nak ah Babilon ah ami k’täm gui ah kyak ci.

1 SHONTÄP NAK 4:33

la a pei yung ah pigaw hta gui, a htum khei täng ah Baalath gawnu khüt ci. Shin gui cu ami kyong chang gui gu ne ami pianlah ami om nak ah hmun gui ah kyak ci.

EZRA 7:28

Khanpughi ah bä nak awn ghangpughang, ang shica ah chang gui la huham mah ciah a bawi gui avan ah hmai kyang nak cu kei naw ka gah ci nei. Bawipa ka Khanpughi naw kei cu thamah nak na pe sei, Israel pahta gui ah ami ng’vai akda cu, kei awn atäng ah law tu ba khai gui ah kei ka ng’ge hning ci nei.”

EZRA 8:2

Kershom, Phinehas pahta Daniela, Ithamar pahta Shekaniah ah hta Hattush, David pahta Zechariah, Parosh, pahta, apahta ung chang 150 ah ami pupa gui ah mawng ca awn guk om ci. Eliehoenai, Zerahiah ah hta, pahath Moab pahta, a chang 200 lawk ci. Shekeniah, Jahayiela ah hta, Zattu pahta, a chang 300 lawk ci. Ebed, Jonathan ah hta, Adin pahta, chang 50 lawk ci. Jeshaiah, Mathaliah ah hta, elan pahta, chang 70 lawk ci. Zebadiah, Mischael ah hta, Shepha tiah pahta, chang 80 lawk ci. Obadiah, Jehiel ah hta, Bani pahta, chang 218 lawk ci. Shelomith, Josiphiah ah hta, bani pahta, chang 160 lawk ci. Zechariah, bebai ah hta, chang 28 Johanan, haka tan ah hta, Aykad pahta, chang 110 Eliphelet, jeuela, la Shemaiah Adonikam pahta, chang 60, ngami cu ak hnu ah law ba ci gui. Uthai la Zakkurbikvai pahta, chang 70 lawk ci

EZRA 2:2

Ami ng’vai gui cu Zerubabela, Joshua, Nehemiah, Seraiah, Reelaiah, Mordekai, Bilasham, Mispara, Bikvai, Rehum la Baanah ah kyak ci gui. Shin cu Israel pahta ang’täm ah kyak ci, omktu khaw ah ka law ba ci gui ami pahta phäh phäh ah khei gui ah kyak ci:

EZRA 2:3

Parosh — 2, 172 Shephatiah — 372 Arah — 775 Pahath Moab (Jeshua la Joab ah hta ng’ shon gui) — 2, 812 Elam — 1, 254 Zattu — 945 Zakkai — 760 Bani — 642 Bebai — 623 Azkad — 1, 222 Adonikam — 666 Bikvai — 2, 056 Adin — 454 Ater (Hezekiah ah phi pyen) — 98 Bezai — 323 Jorah — 112 Hashum — 223 Kibbar — 95

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.