Biblia Todo Logo
Bib sou entènèt

- Piblisite -




EZRA 7:6 - Cho Bible Common Language 2016

6-7 Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

Gade chapit la Kopi




EZRA 7:6
40 Referans Kwoze  

Lam mi hteh sangung ga nü ung na shungvong gui khai ah ng’se cun gakap gui, ghangpughang ah k’thäh vai ah kei ka lü ng’aa ci nei. A i ah kyasei ci ung, ani yi hnei ci phung cu, kami Khanpughi naw phyuhtheh ci nei. Cun ung phi ani ng’hlah tak ci läi cu, thüi na ne m’kyuk ci nei, cine ani am ka m’thein pyi nei.


Khanpughi ah bä nak awn ghangpughang, ang shica ah chang gui la huham mah ciah a bawi gui avan ah hmai kyang nak cu kei naw ka gah ci nei. Bawipa ka Khanpughi naw kei cu thamah nak na pe sei, Israel pahta gui ah ami ng’vai akda cu, kei awn atäng ah law tu ba khai gui ah kei ka ng’ge hning ci nei.”


Cun cu keimi naw Jerusalem ah hteh ba vai ah Ahava tui cawh hteh ta ne, kami hteh nak ah a cha ät nak, a hnüüp gha lei goi nak ah kyak ci. Kami Khanpughi naw na om püi gui ne, ga ah tuk nak la lam ung ga ah ng’mah nak ung na shungvong gui ci.


Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.


Cun kawn ah Khanpughi naw a i cha ah ana om püi, ana m’hteihtang la, uktu bawi naw a i ah ana pyen nak cu ka m’thein gui ci. Ngami naw na m’shang u ne, “Tün ne mi co khai nei” ci u ne ngami cu bi lawh ge vai ah om ci gui.


Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.


Khanpughi ah bä nak awn ngami naw Mahli pahta ungka Levit chang ni, Sherebiah cu na tüih lawk ci gui. A hta gui la anau gui gha lei cheit ani awn atäng ah law tuk ci gui.


“Kei naw Euphratis akhei täng khopäng ung ngui m’kümbawi gui ami van am ka thumkhän gui ci, Taigü ah kya ne, khankho Khanpughi ah ang thukhän ung cüvai chang ah kyak ciah Ezra naw ak thäh phung cu aktung ah nami pek vai nei.


Na bi nak päng ung Bawipa om ciah na shüm vai. Ani naw düng ciah lam ning m’shüm khai.


“Bawipa nami Khanpughi cu läk u ne, Tuhngawi kei naw ka ning pek gui ah ang thumkhän avan cu nami k’pan na a kyak ung ani naw m’dek khan ung a i pakhui ah phi nami däm pi khai ah ning pyang gui khai.


“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.


Phäinau gui aw, kei naw ka ning m’thein gui ah Thu Ni cu ka ning shüm ba sak gui hlük ci, cun cu nangmi naw gah ne, nami yum nak ah ng’düih nak ah kyak ci.


Cun ah kyasei hmuhmat ciah chang a hawi-ang a om, Cacim hmat ciah chang ahawi ang a om, ng’thu m’gawng thei ciah chang a hawi-ang a om! Khomdek khan ah hmuhmat nak phung cu Khanpughi naw gu-aang sak pyi ci nei!


Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.


Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!


“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.


Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.


Ani ah hnu ah amät ah pahta chang ui naw läk lawk ci gui — Shemaiah, Azarela, Milalai, Kilalai, Maai, Nethanela, Judah la Hanani — ngami ami van naw Khanpughi ah chang, ghangpughang David ah tumkhawn man ah mäih tumkhawn gui cu kawt ci gui. Ami ng’hleh nak ung thukhän hmat ciah Ezra naw lam ma gui ci.


A ngawi ung ami pahta ng’vai gui, taigü gui la Levit gui cu thukhän ah m’theithang ng’thei tuk khai gui ah Ezra ah hteit ci gui.


Na tuk gui khai ah ami pawng ah mawng keimi naw kami hmat ciah kami ga gui naw ng’zah u neta, ngami ah pawng püi cu Khanpughi naw hnim ciah hmat lawk ci gui. Cun kawn ah kami van k’paang kami co ba khai ah kami hteit ba ci.


Kei naw Jerusalem ah phäh ah ka bi vai ah Khanpughi naw ana m’shumphyuk cu, kei naw a u am kä ka m’thein ci. Khomü cawih ah tho law ne ka chang gui api khah püi gui ne akpung ah ka hteit ci. Kei ah ng’cuum nak ka laa tumat bäng kami hteh püi ci.


Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.


Cun ung phi Jew chang gui cu Khanpughi naw ngäng gui sei, Persian bawi gui cu Dirius am ca ami guk ung, kä ang hlan law pha ah chuih a i ah kä ci gui vai ah k’bäi ci gui.


Nangmi naw a i hawkcha ah kei ah ka thukhän hmat ne, nami cüivai ciah nami pyen khai ang? Teng vä, thukhän gui cu kä ng’düng ciah cacim saya gui naw m’thawng pyi ci gui nei.


Shin ah chang gui cu Jehozadak ah tu Joshua ah hta Joiakim ah akhin, uktu Nehemiah ah akhin, taigü thukhän hmat ciah Ezra ah akhin ung om ci gui ah kyak ci.


Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.


Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.


Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.


“Thukhän saya gui la Pharisee gui cu, Mosesah thukhän gui m’dang ne pyein nak hning gah ci gui ah kya ci.


Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.


A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.


Shin gui cu Babilonia ah omtu ah kya ne om tu te ci gui ghangpughang Artaxerxes ah uk yah ung Ezra awn atäng ah Jerusalem ah law ba ci gui ah pahta gui ah ami ng’vai gui ah kyak ci.


Sinai m’htung ung khankho ah ka kyum law ne; Na chang gui cu na ng’thu püi gui ci thukhän akni la m’theithang nak akbä cu na pe gui ci.


Nang ung ka keimi kä kami ng’hlat ba phung khai nei; keimi cu na ghin sak gui ä; kami ning m’taam khah khai nei.


Kei na hun ciah na kyak cu ka ga gui am hmat sak ä.


Ani naw ak chang gui am ang thu m’khäh gui ne, Am shüm thein nak la a thukhän cu Israel gui am pe gui ci.


Swiv nou:

Piblisite


Piblisite