EZRA 7:21 - Cho Bible Common Language 2016

²¹ “Kei naw Euphratis akhei täng khopäng ung ngui m’kümbawi gui ami van am ka thumkhän gui ci, Taigü ah kya ne, khankho Khanpughi ah ang thukhän ung cüvai chang ah kyak ciah Ezra naw ak thäh phung cu aktung ah nami pek vai nei.

EZRA 7:21 Referans Kwoze

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

EZRA 4:16

Cun ah kyasei keimi naw kami ning pyen nak cu shin ah mang gaw cu co ba ne gawpaang cu ami m’üp ba ah a kyak ung Euphratis akhei lam khopäng cu nang bawi naw kä na kut shum ba hlawt khai nei,” cik ci gui.

EZRA 6:6

Cun kawn ah Darus naw shin ah ng’thu m’hlan ba gui ci; “Tattenai, Euphratis akhei täng uktu, Shethar Boyenai, la Euphratis akhei täng ung na bawi gui, Taigüim awn ang shawng ah nami om vai.

EZRA 4:20

Huham ah ciah ghangpughang gui naw ukgui u ne, Euphratis akhei täng khopäng avan ung khüt sei uk u ne, k’plam sok u ne akhon look man ci gui.

EZRA 7:1

Khokum akda lüng khäta, Artaxerxes cu Persia ghangpughang ah a kyak yah ung, Ezra ming nak ciah chang tumat om ci. Ani naw apupa gui cu Taigütung Aaron ung va leng ne shin ah ng’dang sak ci. Ezra cu Seriah ah hta, Seriah cu Azariah ah hta, Azariah cu Hikiah ah hta,

EZRA 7:22

Ngui 34000 kilokram, htang 10000 kilokram, sapyit tui 2000 litre, oliv situi 2000 litre la m’shii hlü ci hlawk nami pek vai.

EZRA 8:36

Ngami naw ghanpughang ah pek gui ah cacun phi la u neta, Euphratis akhei täng khopäng gui ung uktu gui la bawi gui am pek ci gui. Cun gui naw chang gui cu m’hteihtang gui u ne, Taigüim khawihnah nak ung k’tha na püi gui ci gui.

NEHEMIAH 2:7

Cun kawn ah Euphratis akhei täng uktu gui am, Judah ah kei ka hteh ung ami na m’htei tu vai ah am cäi nak gui ah ca a guk gui vai ah ka thäh ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

SAM 119:4

Bawipa, nang naw na thukhän cu na na pe gui ci, bekhüt ne kami läk vai ah na nam thein gui ci.