EZRA 7:16 - Cho Bible Common Language 2016

¹⁶ Babilon khopäng nü ung nami lak ah ngui la ghui avan la Israel chang gui la ami taigü gui naw Jerusalem, ami Khanpughi ah Taigüim ung ami douthak vai gui phi nami htehpüi vai nei.

EZRA 7:16 Referans Kwoze

1 SHONTÄP NAK 29:6

Pahta ung angvai gui, pakhui ung bawi gui, gakap ung gakapbawi gui, mang ah khawhcham uk ne m’hteihtang ci gui naw

EZRA 1:6

Ami pei yung ah ka gui ami van naw akda pe gui ne bawm gui ci gui. Ngui khawh gui, ghu gui, ei awk vai, phuih taih sela gui, ahei a phu tan gui la Taigüim ung douthak gui vai cu pe gui ci gui.

EZRA 1:4

Omktu khaw ah om tuk ciah a chang tumat mat cu a law ba vai ah bawm vai a hlü ah a kyak ung, a pei ung om ci gui naw bawm nak ami pek vai ah kyak ci. Ngami cu ngui ghui ei awk gui vai la phuih taih sela gui awn bawm gui vai. Jerusalem ah Khanpughi ah Taigüim ung douthak vai phi pek gui vai.”

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

2 KORIN 9:7

Ak chang sing naw amät ah m’lung ung ayum nak awn a peittaak vai, ng’vang lang ne kä a peit vai, kä peit ung kä bä khai ciah ngai ne kä a peit vai; Khanpughi naw am lung yei nak awn pek ci cun vah m’hni ci.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

2 SHONTÄP NAK 6:2

Tuhbäi nang ah phäh ah chün ciah Taigüim, Nang naw Khonglän ung na om nak vai ah hmun cu kei naw ka co pyi ci nei.”

2 SHONTÄP NAK 6:5

“Ka chang gui Egypt khaw ungka ka law püi ba gui ungka naw tuhbäi ung khüt khai ah, kei nami na khawihnah nak vai, Taigüim cawh nak vai ah hmun la, Israel khaw ung a i mang gaw phi kä ka ghü man ci, Israel ka chang gui matawn gui khai ah a u chang phi kä ka ghü man ci.

2 SHONTÄP NAK 6:6

Cun ung phi tuhbäi kei nami na khawihnah nak vai ah hmun ah Jerusalem cu ka ghü ci, ka chang gui uk khai ah nang, David cu ka ning ghü ci.”

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.

SAM 135:21

Zion m’htung la Jerusalem mang gaw a im ung, Bawipa cu m’tam vä. Haleluyah. Bawipa cu m’tam vä!