EZRA 7:10 - Cho Bible Common Language 2016

¹⁰ Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

EZRA 7:10 Referans Kwoze

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

SAM 1:2

Ani cu Bawipa ah thu khäm hmuteng ne, yei ne, Läk ne, Amü a hnüüp khei ne phat ciah kyak ci.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

THULÄÄN NAK 33:10

Ngami naw nang ah thukhän cu, na chang gui naw ami läk vai m’thein gui khai gui. Ngami naw khawihnah nak cu na sonkiang ung dou thak khai gui.

1 SHONTÄP NAK 29:18

Kami pupa gui Abraham, Isaak, Jakob ni ah Bawipa, Khanpughi, shin gui ah ng’ap nak ah mäih ah khüighat ciah yum nak cu na chang gui ah m’lung kyong ung k’pan sak gui ä, angtäi ah ami bekhüt nak vai phi k’pan sak gui ä,

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

TITUS 2:1

Cun ung phi nang naw bä ciah thu m’hnüt awn ng’müi khai ah nam theithang vai nei.

SAM 119:45

Kei cu akbe ah ng’päize ne ka om khai, a i ah kyasei ci ung kei naw na m’theithang gui cu ka läk vai ah ka tha nak ci.

SAM 57:7

O Khanpughi, kei cu akbe ah ka citheing ci nei, kei naw ng’äi m’cu ne ka ning m’taam khai!

2 SHONTÄP NAK 30:22

Levit gui naw Bawipa khawihnah nak cu akni ah ami bi ah phäh ah Hezekiah naw m’hlümtai gui ci. Ami pupa gui ah Khanpughi Bawipa m’hlümtai nak ah khawihnah nak douthak nak a hnüüp chih kawn ah,

2 SHONTÄP NAK 19:3

Cun ung phi nang ung nani nak api om ci. Chang gui naw ami khawihnah ah khanpughinu Asherah a gup gui avan cu nang naw na k’heeng ci, Khanpughi ah angyak hlü ah läk vai ah na k’tha nak ci” ciah pyen nak ci.

2 SHONTÄP NAK 12:14

Ani naw akshe gui bik ci, a i ah kyasei ci ung ani naw Bawipa ah angyak hlü cu kä shuiyap ci.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

LAMKTU 1:1

Theophilus aw: Ka guk htük ah ca-uk cu Bawipa Jesuh naw bi abi law nak ung leng neh,

THULÄÄN NAK 16:12

Shin ah thumkhän gui nami läk ciah ng’khäntang vä. Egypt khaw ah changshäm ah nami kyak man cu kä nami m’hnih en vai nei.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

MATTHE 5:19

Akyaw pibäih ah thukhän kä läk vai ah m’theithang tuk ciah chang cu, khankho ah akyaw ken pibäih ah kyak khai. Cun ung phi thukhän gui cu läk ne, chang-am phi a läk vai ah m’theithang tuk ciah chang cu, khankho ah hlüngtai pi khai.

JOB 11:13

Joba, na m’lung ngaih düng sak ne Khanpughi ah hteit ä.

EZRA 7:11

Artaxerxes naw Ezra am shin ah ca cu pek ci, Ezra cu taigü, cüvai chang Bawipa naw Israel gui am a pek ah thukhän gui la thumkhäm gui avan yüm yüm cu hmat ciah kyak ci.

SAM 119:112

Kä ka sih pha ah chuih na thukhän ka läk khai ah, ka k’bäi pyi ci nei.