EZRA 7:1 - Cho Bible Common Language 2016

¹ Khokum akda lüng khäta, Artaxerxes cu Persia ghangpughang ah a kyak yah ung, Ezra ming nak ciah chang tumat om ci. Ani naw apupa gui cu Taigütung Aaron ung va leng ne shin ah ng’dang sak ci. Ezra cu Seriah ah hta, Seriah cu Azariah ah hta, Azariah cu Hikiah ah hta,

EZRA 7:1 Referans Kwoze

NEHEMIAH 2:1

Cha phli a lung kawn ah hnüüp ät ung uktubawi Artaserxes naw mü ei a ei yah ung kei naw sapyit tui ka thak ci. Ani naw a yanä kei ka hmai m’kyum ngä sei kä na hmuh man ci.

EZRA 7:21

“Kei naw Euphratis akhei täng khopäng ung ngui m’kümbawi gui ami van am ka thumkhän gui ci, Taigü ah kya ne, khankho Khanpughi ah ang thukhän ung cüvai chang ah kyak ciah Ezra naw ak thäh phung cu aktung ah nami pek vai nei.

EZRA 7:12

“Artaxerxes ghangpughang naw Ezra taigü, Khankho Khanpughi ah thukhän ung cüvai ci am a pek,

EZRA 6:14

Jew ami ng’vai gui cu prophet goi Hakkai la Zachariah naw thagui pe gui u sei, Taigüim ami cawh cu bä law pi khai ah bik ci gui. Ngami naw Israel Khanpughi ah ang’thukhän la persia ghangpughang gui Sairus, Darius la Artaxerxes gui ah thukbäi awn ngami naw Taigüim cu m’khüüp ne co ci gui.

2 GHANGPUGHANG GUI 22:4

“Taigütung Hiliah ah hteit ne, Taigüim ah luh nak ung, bii bik ciah Taigü gui naw chang gui ung ami loh ah ngui a i chü lawk ciah na va hmat vai.

NEHEMIAH 11:11

Seraiah, Meshullam ah tu, Hilkiah ah hta. Ani ah pupa gui cu Zadok, Meraioth, la Ahitub, taigütung ah kyak ci.

EZRA 7:10

Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

2 SHONTÄP NAK 34:15

Ani naw Shaphan am, “Kei naw thukhän ca-uk cu shin ah Taigüim kyong ah ka hmuk ci nei” cine pyen neta, ani naw ca-uk cu Shaphan am pek ci.

2 SHONTÄP NAK 34:9

Levit ngäng gui naw Taigüim ung ami m’cut ah ngui gui cu taigütung Hilkiah am ap ci gui. (Cun cu Ephraim, Manasseh la a siiptäng uknak kho avan ungka la Judah chang gui Benjamin la Jerusalem ungka ah kyak ci.)

2 GHANGPUGHANG GUI 25:18

Cun kawn ah gabawi Nebuzaradan naw Taigütung, Seraiah, ani tawi ciah taigü Zephaniah la a hei Taigüim ung

2 GHANGPUGHANG GUI 22:8

Shaphan naw ghangpughang ah ng’thu k’bäi cu Hilkiah ah hteh püi ci, Taigüim kyong ah thukhän ca uk om sei a hmuh ah mawng Hilkiah naw m’thein ci. Hilkiah naw ca uk cu pe sei Shaphan naw phat ci.

EZRA 7:2

Hilkiah cu shalum ah hta, Shalum cu Zadok ah hta, Zadok cu Ahitub ah hta,

EZRA 4:7

Persia ghangpughang Artaxerxes ah uk sangung phi, Bishlam, mithredoth, talbeela la ngami thawi gui ci gui naw ghangpughang am ca gu ne pek ci gui. Ca cu Aramaik ca awn guk ah kyasei, k’phlan ne phat vai kyak ci.

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.